വാഗ്മികളായി വിദ്യാർഥികൾ ; ഗാന്ധിയൻ ആശയങ്ങൾ മുഴങ്ങി; കല്ലാനോട് സാംസ്കാരിക നിലയത്തിൽ പ്രസംഗ മത്സരം സംഘടിപ്പിച്ചു
കല്ലാനോട്: ഗാന്ധിജയന്തി ആഘോഷങ്ങളുടെ ഭാഗമായി കൂരാച്ചുണ്ട് ഗ്രാമപഞ്ചായത്തിന്റെ അധീനതയിലുള്ള കല്ലാനോട് സാംസ്കാരിക നിലയത്തിന്റെ ആഭിമുഖ്യത്തിൽ ഹയർ സെക്കൻഡറി സ്കൂൾ വിദ്യാർഥികൾക്കായി പ്രസംഗ മത്സരം സംഘടിപ്പിച്ചു. പരിപാടിയുടെ ഉദ്ഘാടനം ഒമ്പതാം വാർഡ് മെമ്പർ സണ്ണി ജോസഫ് കാനാട്ട് നിർവ്വഹിച്ചു. സാംസ്കാരിക നിലയം പ്രസിഡന്റ് ഷാജു പീറ്റർ ചോരപ്പുള്ളിയിൽ ചടങ്ങിൽ അധ്യക്ഷത വഹിച്ചു.
മത്സരത്തിൽ മികവ് പുലർത്തി വിദ്യാർഥികൾ
വിദ്യാർഥികളിൽ ഗാന്ധിയൻ ആശയങ്ങളും പ്രസംഗ പാടവവും വളർത്തുക എന്ന ലക്ഷ്യത്തോടെ സംഘടിപ്പിച്ച മത്സരത്തിൽ പ്രദേശത്തെ വിവിധ സ്കൂളുകളിൽ നിന്നുള്ള വിദ്യാർഥികൾ മാറ്റുര.ച്ചു. കടുപ്പമേറിയ മത്സരത്തിനൊടുവിൽ സെന്റ് തോമസ് എച്ച്.എസ്.എസ് കൂരാച്ചുണ്ടിലെ ജുൽന ഫാത്തിമ കെ. ഒന്നാം സ്ഥാനം കരസ്ഥമാക്കി. സെന്റ് തോമസ് എച്ച്.എസ്.എസ് കൂരാച്ചുണ്ടിലെ തന്നെ എൽസന രാജേഷ് രണ്ടാം സ്ഥാനവും, സെന്റ് മേരീസ് എച്ച്.എസ്.എസ് കല്ലാനോടിലെ റിച്ചാർഡ് ടി. നിക്സൺ മൂന്നാം സ്ഥാനവും നേടി.
സമ്മാനദാനവും പ്രമുഖരുടെ സാന്നിധ്യവും
വിജയികൾക്കുള്ള ഉപഹാരങ്ങളും സർട്ടിഫിക്കറ്റുകളും കൂരാച്ചുണ്ട് പഞ്ചായത്ത് വികസനകാര്യ സ്റ്റാൻഡിങ്ങ് കമ്മിറ്റി ചെയർപേഴ്സൺ ബിന്ദുമോൾ തോമസ് കളപ്പുരക്കൽ, ബാലുശ്ശേരി ബ്ലോക്ക്‌ പഞ്ചായത്ത് മെമ്പർ അരുൺ ജോസ് എന്നിവർ ചേർന്ന് വിതരണം ചെയ്തു.
കമ്മിറ്റി അംഗങ്ങളായ പി.ജെ. ആന്റണി പള്ളിക്കാവയലിൽ, സന്ദീപ് കളപ്പുരക്കൽ, ബിജു താന്നിക്കൽ, ജോൺസൺ മാളിയേക്കൽ, ഗോപി ആലക്കൽ, സണ്ണി തുണ്ടിയിൽ, അമൽ ജോസഫ്, ജോബി ആക്കൽ, ജിന്റോ കാരക്കാട്ട് എന്നിവർ പരിപാടികൾക്ക് നേതൃത്വം നൽകി.
Comments
Post a Comment