കൂരാച്ചുണ്ടിൽ കനത്ത മഴ: പൂവത്താംകുന്നിൽ വീട് തകർന്നു

 

കൂരാച്ചുണ്ട്: മലയോര മേഖലയിൽ കനത്തു പെയ്യുന്ന  മഴയിലും  കൂരാച്ചുണ്ട് പൂവത്താംകുന്നിൽ വീട് ഭാഗികമായി തകർന്നു വീണു. പൂവത്താംകുന്ന് തയ്യുള്ളപ്പറമ്പിൽ അഖിലിന്റെ വീടാണ് ഇന്ന് പെയ്ത  ശക്തമായ മഴയിൽ തകർന്നത്.

​മേൽക്കൂരയുടെ കഴുക്കോലുകളും ഓടുകളും തകർന്ന് വീടിന്റെ ഒരുഭാഗം പൂർണ്ണമായി നിലംപൊത്തിയ നിലയിലാണ്. അപകട സമയത്ത് വീട്ടുകാർ ഉണ്ടായിരുന്നുവെങ്കിലും അത്ഭുതകരമായി തലനാരിഴയ്ക്ക് രക്ഷപ്പെടുകയായിരുന്നു.  വീട്ടിലെ സാധനസാമഗ്രികൾക്കും നാശനഷ്ടം സംഭവിച്ചിട്ടുണ്ട്.