ആത്മീയ ഇടയന്മാർക്ക് സ്നേഹാദരം: കുളത്തുവയൽ ഇടവകയിൽ വൈദിക ദിനാഘോഷവും ആദരിക്കലും നടന്നു
കുളത്തുവയൽ: വൈദികരുടെ മദ്ധ്യസ്ഥനായ വിശുദ്ധ ജോൺ മരിയ വിയാനിയുടെ തിരുനാളിനോടനുബന്ധിച്ച് കുളത്തുവയൽ സെന്റ് ജോർജ്ജ് ഫൊറോന പള്ളി ഇടവകയുടെ നേതൃത്വത്തിൽ വൈദികരെ ആദരിക്കുകയും പ്രത്യേക പ്രാർത്ഥനാ ശുശ്രൂഷകൾ സംഘടിപ്പിക്കുകയും ചെയ്തു. ഇടവക സമൂഹത്തിന് ആത്മീയ നേതൃത്വം നൽകുന്ന വൈദികരുടെ സേവനങ്ങളെ സ്മരിച്ചുകൊണ്ടായിരുന്നു ചടങ്ങ് സംഘടിപ്പിച്ചത്.
തിരുനാൾ ദിനത്തിൽ നടന്ന പ്രത്യേക ദിവ്യബലിക്കും പ്രാർത്ഥനകൾക്കും ശേഷം സംഘടിപ്പിച്ച ആദരിക്കൽ ചടങ്ങിൽ ഇടവക റെക്ടർ റവ. ഫാ. കുര്യാക്കോസ് ഐക്കുളമ്പിൽ, റവ. ഫാ. സെബാസ്റ്റ്യൻ എമ്പ്രയിൽ എന്നിവർക്ക് ഇടവക സമൂഹത്തിന്റെ ഉപഹാരങ്ങളും ആദരവും കൈമാറി.
വൈദികർ ദൈവജനത്തിന് നൽകുന്ന ആത്മീയ പിന്തുണയും വഴികാട്ടലും ഏറെ പ്രശംസനീയമാണെന്ന് പാരിഷ് കൗൺസിൽ സെക്രട്ടറി ശ്രീ. ഷാജു കണക്കൻഞ്ചേരി ആശംസാ പ്രസംഗത്തിൽ പറഞ്ഞു. ഇടവക ട്രസ്റ്റിമാരായ ശ്രീ. ജോസ് മുട്ടത്തുകട്ടേൽ, ശ്രീ. ഷാജു പാട്ടശ്ശേരി എന്നിവർ വൈദികർക്കുള്ള ആദര സൂചകമായ ഉപഹാരങ്ങൾ സമർപ്പിച്ചു.
തുടർന്ന് വിശുദ്ധ ജോൺ മരിയ വിയാനിയുടെ മാതൃക പിന്തുടർന്ന് ലോകമെമ്പാടുമുള്ള ചടങ്ങിൽ പാരിഷ് കൗൺസിൽ അംഗങ്ങൾ, വിവിധ ഭക്തസംഘടനകളുടെ പ്രതിനിധികൾ, സന്യാസിനികൾ, ഇടവകക്കാരായ നിരവധി വിശ്വാസികൾ എന്നിവർ പങ്കെടുത്തു. ചടങ്ങുകൾക്ക് ശേഷം സ്നേഹവിരുന്നും ക്രമീകരിച്ചിരുന്നു.
Comments
Post a Comment