'ഇത്ര പ്രായമായിട്ടും മരിക്കാത്തതെന്ത്?': 80-കാരിയായ അമ്മയെ കഴുത്തുഞെരിച്ച് കൊല്ലാൻ ശ്രമം; ക്രൂരത കാട്ടിയ മകൻ അറസ്റ്റിൽ
വയനാട്: മദ്യലഹരിയിൽ 80 വയസ്സുള്ള സ്വന്തം അമ്മയെ ക്രൂരമായി മർദിക്കുകയും കഴുത്തുഞെരിച്ച് കൊലപ്പെടുത്താൻ ശ്രമിക്കുകയും ചെയ്ത സംഭവത്തിൽ മകൻ അറസ്റ്റിൽ. മാനന്തവാടി സ്വദേശി ദിനേശനെയാണ് പോലീസ് പിടികൂടിയത്. ആക്രമണത്തിൽ കടുത്ത മനോവിഷമത്തിലായ വയോധിക പിന്നീട് മണ്ണെണ്ണ കുടിച്ച് ആത്മഹത്യയ്ക്കും ശ്രമിച്ചു.
"ഇത്ര പ്രായമായിട്ടും മരിക്കാത്തതെന്ത്?", "വിഷം തന്നാൽ കുടിക്കുമോ?" എന്ന് ആക്രോശിച്ചുകൊണ്ടായിരുന്നു പ്രതി അമ്മയ്ക്കുനേരെ ക്രൂരമായ അതിക്രമം അഴിച്ചുവിട്ടത്. മർദനത്തിന് പിന്നാലെ ജീവിതം അവസാനിപ്പിക്കാൻ ശ്രമിച്ച വയോധികയെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിക്കുകയായിരുന്നു.
ആശുപത്രിയിൽ ചികിത്സയിൽ കഴിയവേ വയോധിക പോലീസിന് നൽകിയ മൊഴിയുടെ അടിസ്ഥാനത്തിലാണ് വധശ്രമം ഉൾപ്പെടെയുള്ള വകുപ്പുകൾ ചുമത്തി പോലീസ് കേസ് രജിസ്റ്റർ ചെയ്തതും പ്രതിയെ പിടികൂടിയതും. സംഭവത്തിൽ മാനന്തവാടി പോലീസ് വിശദമായ അന്വേഷണം നടത്തി വരികയാണ്.
Comments
Post a Comment