ഭർത്താവിനെ കാണാനില്ലെന്ന് നാടകം; സത്യം പുറത്തുവന്നത് മഴയിൽ
കടലൂർ: ഭർത്താവിനെ കൊലപ്പെടുത്തി മൃതദേഹം തെർമൽ പവർ സ്റ്റേഷൻ ഗ്രൗണ്ടിൽ കുഴിച്ചുമൂടിയ സംഭവത്തിൽ ഭാര്യയും സുഹൃത്തും അറസ്റ്റിൽ. സത്യരാജ് എന്നയാളെ അതിക്രൂരമായി കൊലപ്പെടുത്തിയ കേസിലാണ് ഭാര്യ ദീപയും സുഹൃത്ത് അയ്യപ്പനും മൂന്ന് വാടകക്കൊലയാളികളും പിടിയിലായത്. 2022 ജനുവരിയിലാണ് നാടിനെ നടുക്കിയ ഈ കൊലപാതകം അരങ്ങേറിയത്.
ഡ്രൈവറായ സത്യരാജും നഴ്സായ ദീപയും തമ്മിലുള്ള ദാമ്പത്യം സത്യരാജിന്റെ മദ്യപാനത്തെത്തുടർന്ന് തകർന്നിരുന്നു. ഈ അവസരം മുതലെടുത്ത് സത്യരാജിന്റെ ഉറ്റസുഹൃത്തായ അയ്യപ്പൻ കുടുംബത്തിൽ ഇടപെടുകയും ദീപയുമായി രഹസ്യബന്ധം സ്ഥാപിക്കുകയും ചെയ്തു. ഒരിക്കൽ ഇരുവരെയും ഒരുമിച്ച് കണ്ട സത്യരാജ് ഇവരെ ചോദ്യം ചെയ്യുകയും മർദ്ദിക്കുകയും ചെയ്തിരുന്നു. ഇതോടെ സത്യരാജ് തങ്ങളുടെ ബന്ധത്തിന് തടസ്സമാകുമെന്ന് തിരിച്ചറിഞ്ഞ ദീപയും അയ്യപ്പനും ഇയാളെ ഇല്ലാതാക്കാൻ തീരുമാനിക്കുകയായിരുന്നു.
ആസൂത്രിതമായ കൊലപാതകം
ജനുവരി 12-ന് അയ്യപ്പൻ മൂന്ന് വാടകക്കൊലയാളികളെ ഉപയോഗിച്ച് സത്യരാജിനെ മറ്റൊരു സ്ഥലത്തേക്ക് വിളിച്ചുവരുത്തി. കാറിലെത്തിയ സംഘം സത്യരാജിനെ തട്ടിക്കൊണ്ടുപോയി കടലൂരിലെ വിജനമായ തെർമൽ പവർ സ്റ്റേഷൻ ഗ്രൗണ്ടിലെത്തിച്ചു. പ്രതിരോധിക്കാൻ ശ്രമിച്ച സത്യരാജിന്റെ വലതുകൈ വെട്ടിമാറ്റിയ ശേഷം മാരകമായി വെട്ടിയും കുത്തിയുമാണ് ഇവർ കൊലപ്പെടുത്തിയത്. തെളിവുകൾ നശിപ്പിക്കാനായി ഗ്രൗണ്ടിൽ കുഴിയെടുത്ത് മൃതദേഹം മുകളിൽ വെട്ടിമാറ്റിയ കൈവെച്ച് മൂടി ഇവർ സ്ഥലം വിട്ടു.
നാടകം പൊളിഞ്ഞത് ഇങ്ങനെ
ഭർത്താവിനെ കാണാനില്ലെന്ന് കാണിച്ച് പോലീസ് സ്റ്റേഷനിൽ പരാതി നൽകി ദീപ കബളിപ്പിക്കാൻ ശ്രമിച്ചു. ദിവസങ്ങൾക്ക് ശേഷം പെയ്ത ശക്തമായ മഴയിൽ മണ്ണൊലിച്ചുപോയതോടെ കുഴിയിൽ നിന്നും സത്യരാജിന്റെ കൈ പുറത്തുകാണുകയായിരുന്നു. ഇതോടെ പോലീസ് സ്ഥലത്തെത്തി മൃതദേഹം കണ്ടെടുത്തു. കൈയ്യിൽ പച്ചകുത്തിയ പേര് വെച്ച് മൃതദേഹം തിരിച്ചറിഞ്ഞെങ്കിലും ദീപ പോലീസ് സ്റ്റേഷനിൽ വെച്ച് അമിതാഭിനയത്തിലൂടെ സത്യം മറച്ചുവെക്കാൻ ശ്രമിച്ചു
Comments
Post a Comment