ചെമ്പനോടയിൽ ജനജീവിതത്തിന് ഭീഷണിയായ പെരുന്തേൻ കൂട് നീക്കം ചെയ്തു; ദൗത്യം വിജയകരമായി പൂർത്തിയാക്കി കോൺഗ്രസ് പ്രവർത്തകർ
ചെമ്പനോട: റെയ്മണ്ട് സ്കൂളിന് സമീപം ജനങ്ങൾക്കും വിദ്യാർത്ഥികൾക്കും വലിയ ഭീഷണിയായി മാറിയ ഭീമാകാരമായ പെരുന്തേൻ കൂട് അധികൃതരുടെ സഹായത്തോടെ സുരക്ഷിതമായി നീക്കം ചെയ്തു. രണ്ടാം വാർഡ് കോൺഗ്രസ് കമ്മിറ്റിയുടെ നേതൃത്വത്തിലാണ് ജനകീയ ഇടപെടലിലൂടെ ഈ ദൗത്യം വിജയകരമായി പൂർത്തിയാക്കിയത്.
സ്കൂൾ പരിസരത്ത് ആയതുകൊണ്ട് തന്നെ ഏറെ ആശങ്കയോടെയാണ് നാട്ടുകാർ ഈ കൂടിനെ നോക്കിക്കണ്ടത്. വിദ്യാർത്ഥികളുടെയും വഴിയാത്രക്കാരുടെയും സുരക്ഷ മുൻനിർത്തിയാണ് കൂട് നീക്കം ചെയ്യാൻ വാർഡ് കമ്മിറ്റി മുൻകൈ എടുത്തത്. ഏറെ സാഹസികമായ ദൗത്യത്തിലൂടെ കുമ്പുങ്കൽ തങ്കച്ചനാണ് കൂട് സുരക്ഷിതമായി നീക്കം ചെയ്തത്.
പ്രദേശവാസികൾക്ക് വലിയ ആശ്വാസമാണ് ഈ നടപടി നൽകിയിരിക്കുന്നത്. അടിയന്തരമായി ഇടപെടുകയും ജനങ്ങളുടെ സുരക്ഷ ഉറപ്പാക്കാൻ നേതൃത്വം നൽകുകയും ചെയ്ത രണ്ടാം വാർഡ് കോൺഗ്രസ് കമ്മിറ്റിയെയും, സാഹസികമായി ദൗത്യം ഏറ്റെടുത്ത കുമ്പുങ്കൽ തങ്കച്ചനെയും നാട്ടുകാർ അഭിനന്ദിച്ചു.
സമയബന്ധിതവും സുരക്ഷിതവുമായ ഈ ഇടപെടൽ സമാന സാഹചര്യങ്ങൾ നേരിടുന്ന മറ്റ് സ്ഥാപനങ്ങൾക്കും പ്രദേശങ്ങൾക്കും ഒരു മാതൃക കൂടിയാണ്. സ്കൂൾ അധികൃതരുടെ അടിയന്തര ഇടപെടലും, കൂട് നീക്കം ചെയ്യാൻ സഹായിച്ചവരുടെ സുരക്ഷാ മുൻകരുതലുകളും രക്ഷിതാക്കൾക്കിടയിലും വലിയ ആശ്വാസമാണ് നൽകിയിരിക്കുന്നത്
Comments
Post a Comment