പ്രതീക്ഷിച്ചത് മട്ടൻ പക്ഷേ കിട്ടിയതോ ചിക്കൻ ; വിവാഹ സൽക്കാരം കൂട്ടത്തല്ലായി
ബിഹാർ : ബിഹാറിലെ സഹർസയിലാണ് സംഭവം. കല്യാണത്തിന് മട്ടൺ ബിരിയാണിയോ മട്ടൺ കറിയോ പ്രതീക്ഷിച്ചുപോയ അതിഥികൾക്ക് കിട്ടിയത് ചിക്കൻ! അത്രയേയുള്ളൂ, പിന്നെ അവിടെ നടന്നത് സദ്യയല്ല, സകലരും കൂടെ അങ്ങ് അടിയായി.
കല്യാണത്തിന് മട്ടൺ സ്പെഷ്യൽ ആയിരിക്കുമെന്ന് നേരത്തെ അനൗൺസ്മെന്റ് ഒക്കെ ഉണ്ടായിരുന്നുവത്രേ. മട്ടൺ സങ്കല്പവുമായി കൊതിയോടെ എത്തിയവർക്ക് മുന്നിൽ ചിക്കൻ വന്ന് ഇറങ്ങിയപ്പോൾ, ചിക്കൻ അവിടെ ഇരുന്ന 'കരയാൻ' തുടങ്ങി.
വരന്റെ ബന്ധുക്കളും അതിഥികളും തമ്മിൽ മട്ടൺ പോരിന് തുടക്കമിട്ടു. തർക്കം കൈയാങ്കളിയിലേക്ക് നീങ്ങിയതോടെ കല്യാണപ്പന്തൽ ഒരു ഗുസ്തി മൈതാനമായി മാറി. ആകെ 12 പേർക്ക് പരുക്കേറ്റു.
ദൃശ്യങ്ങൾ സോഷ്യൽ മീഡിയയിൽ വൈറലായതോടെ, "അയ്യോ മട്ടൺ എവിടെ മട്ടൺ?" എന്ന് ചോദിച്ച് പലരും കമന്റുകളുമായി എത്തിയിട്ടുണ്ട്. എന്തായാലും പോലീസ് വന്ന് മട്ടൺ പ്രശ്നം പരിഹരിക്കുകയും, അന്വേഷണം ആരംഭിക്കുകയും ചെയ്തിട്ടുണ്ട്.
സദ്യക്ക് പോകുമ്പോൾ ഇനി മെനു കാർഡ് ചോദിച്ചു വാങ്ങുന്നത് നന്നായിരിക്കും, പ്രത്യേകിച്ച് മട്ടൺ പ്രിയർ!
Comments
Post a Comment