പൂട്ടിക്കിടന്ന കട വരാന്തയിൽ അജ്ഞാത മൃതദേഹം
കൊയിലാണ്ടി: ചെങ്ങോട്ടുകാവിൽ പൂട്ടിക്കിടന്ന കടമുറിയുടെ വരാന്തയിൽ മധ്യവയസ്കനായ ഒരാളെ മരിച്ച നിലയിൽ കണ്ടെത്തി. ചെങ്ങോട്ടുകാവ് പള്ളിക്ക് മുൻവശത്തുള്ള ശരവണ ഹോട്ടലിന് സമീപത്താണ് ഇന്ന് വൈകിട്ട് അഞ്ചുമണിയോടെ മൃതദേഹം കണ്ടെത്തിയത്.
മരണപ്പെട്ടയാളെക്കുറിച്ചുള്ള വിവരങ്ങൾ ഇതുവരെ ലഭ്യമായിട്ടില്ല. സമീപവാസികൾ മൃതദേഹം കണ്ട് വിവരം അറിയിച്ചതിനെത്തുടർന്ന് കൊയിലാണ്ടി പോലീസ് സ്ഥലത്തെത്തി പ്രാഥമിക പരിശോധനകൾ നടത്തി. തുടർനടപടികൾ പൂർത്തിയാക്കിയ ശേഷം മൃതദേഹം കൊയിലാണ്ടി താലൂക്ക് ആശുപത്രി മോർച്ചറിയിലേക്ക് മാറ്റി.
സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു. പരിസരത്തുള്ള സിസിടിവി ദൃശ്യങ്ങൾ പരിശോധിക്കാനും മരിച്ചയാളെ തിരിച്ചറിയാനുള്ള നടപടികൾ സ്വീകരിക്കാനും പോലീസ് ലക്ഷ്യമിടുന്നു. മൃതദേഹം ആരുടേതാണെന്നറിയാൻ നാട്ടുകാരുടെ സഹായത്തോടെ അന്വേഷണം വ്യാപിപ്പിച്ചിട്ടുണ്ട്.
Comments
Post a Comment