ബാലുശ്ശേരി എസ്റ്റേറ്റ് മുക്കിൽ വാഹനാപകടം: കൂരാച്ചുണ്ട് കക്കയം സ്വദേശിയായ യുവാവിന് ദാരുണാന്ത്യം

കൂരാച്ചുണ്ട്: സംസ്ഥാന പാതയിലെ ബാലുശ്ശേരി എസ്റ്റേറ്റ് മുക്കിൽ ലോറിയും സ്കൂട്ടറും കൂട്ടിയിടിച്ച് കൂരാച്ചുണ്ട് സ്വദേശിയായ യുവാവിന് ദാരുണാന്ത്യം. കക്കയം കോയിക്കകുന്നേൽ (കോഴിക്കുന്നേൽ) കൃഷ്ണൻകുട്ടിയുടെ മകൻ വിഷ്ണു(28) ആണ് മരിച്ചത്.

​താമരശ്ശേരി - കൊയിലാണ്ടി സംസ്ഥാന പാതയിൽ ചൊവ്വാഴ്ച ഉച്ചയ്ക്ക് ഒന്നരയോടെയായിരുന്നു നാടിനെ നടുക്കിയ അപകടം നടന്നത്. താമരശ്ശേരി ഭാഗത്തുനിന്നും ബാലുശ്ശേരി ഭാഗത്തേക്ക് സ്കൂട്ടറിൽ യാത്ര ചെയ്യുകയായിരുന്ന വിഷ്ണു സഞ്ചരിച്ച വാഹനത്തിലേക്ക് എതിർദിശയിൽ തെറ്റായ അളവിൽ നിയന്ത്രണം വിട്ടുവന്ന ലോറി നേരിട്ട് ഇടിച്ചു കയറുകയായിരുന്നു.

​ഇടിയുടെ ആഘാതത്തിൽ റോഡിലേക്ക് തെറിച്ചുവീണ് ഗുരുതരമായി പരിക്കേറ്റ വിഷ്ണുവിനെ ഉടൻതന്നെ സമീപവാസികളും നാട്ടുകാരും ചേർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. തുടർന്ന് മൃതദേഹം പോസ്റ്റ്മാർട്ടം നടപടികൾക്കായി കോഴിക്കോട് മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. സംഭവത്തിൽ പോലീസെത്തി മേൽനടപടികൾ സ്വീകരിച്ചു.

അച്ഛൻ :കൃഷ്ണ‌ൻകുട്ടി

അമ്മ : ഷൈല

സഹോദരങ്ങൾ: ബിനു ( തിരുവനന്തപുരം) ജിലു ( തലയാട്)...