ഒരു ഉത്തരവാദിത്തവുമില്ല സാറേ കെഎസ്ആർടിസിലെ ആളുകൾക്ക്; പാലക്കാട് KSRTC ബസ് കടത്തി കൊണ്ട് പോയ യുവാവ് പിടിയിൽ
കോഴിക്കോട്: ടൗണിൽ ഭക്ഷണം കഴിക്കാൻ വന്നതായിരുന്നു, കൂടെയുള്ളവൻ പാർസൽ വാങ്ങാൻ പോയപ്പോൾ വെറുതെ ഒന്ന് ബോറടിച്ചിരുന്നു. സ്റ്റാൻഡിൽ കിടന്ന ബസ് കണ്ടപ്പോൾ ഒന്ന് കയറി ഇരുന്നു നോക്കിയതാ, കീ ഒക്കെ അപ്പടി വെച്ചിരിക്കുന്നു! "ഒരു ഉത്തരവാദിത്തവും ഇല്ലേ സാറേ ഇവർക്ക്?" എന്ന് ചോദിച്ചുകൊണ്ട് KSRTC ബസ് സ്റ്റാർട്ട് ചെയ്ത് 'റൈഡ്' പോയ മേലേപറമ്പിൽ സ്വദേശി ഫാസിൽ ഇപ്പോൾ പോലീസിന്റെ പിടിയിൽ.
ഭക്ഷണം കഴിക്കാൻ വന്ന ഫാസിൽ തന്റെ സുഹൃത്ത് ഭക്ഷണവുമായി വരുന്നത് വരെ വെറുതെ ഇരിക്കേണ്ടെന്ന് കരുതിയാണ് സ്റ്റാൻഡിൽ കിടന്ന ബസിൽ കയറിയത്. ബസിൽ താക്കോൽ വെച്ചിരുന്നത് കണ്ട് അതൊന്ന് അമർത്തി നോക്കിയപ്പോൾ വണ്ടി അങ്ങ് സ്റ്റാർട്ട് ആയി! പിന്നെ ഒന്നും നോക്കിയില്ല, കൂട്ടുകാരൻ വരുന്നത് വരെ ഒന്ന് റൗണ്ട് അടിച്ചിട്ട് വരാമെന്ന് കരുതി വണ്ടിയുമെടുത്ത് പതുക്കെ സ്റ്റാൻഡിൽ നിന്ന് പുറത്തിറങ്ങി.
ഓടിച്ചു തുടങ്ങിയപ്പോൾ ആ ഒരു 'ഫ്ലോ' അങ്ങ് കൂടിപ്പോയി. പിന്നെ വണ്ടി നിർത്തിയില്ല, കുറച്ചു ദൂരം ഓടിച്ചു പോയി. അവസാനം എല്ലാം കൂടി ആകെ പ്രശ്നമായപ്പോഴാണ് താൻ പെട്ടുപോയതെന്ന് യുവാവിന് മനസ്സിലായത്.
പോലീസിനോട് പറഞ്ഞ 'ന്യായീകരണം':
"ചാവിയൊക്കെ അങ്ങനെ വെച്ച് പോയേക്കുവല്ലേ സാർ, അത് അവരല്ലേ സൂക്ഷിക്കേണ്ടത്? വണ്ടി എടുക്കുമ്പോൾ ഒന്ന് നോക്കണ്ടേ?" എന്ന് ചോദിച്ച് പോലീസിനെ പോലും അമ്പരപ്പിച്ചിരിക്കുകയാണ് ഇദ്ദേഹം.
ഏതായാലും ഇപ്പോൾ ഒരു റൗണ്ട് അടിക്കാൻ പോയത് പോലീസ് സ്റ്റേഷനിലേക്കാണെന്ന് മാത്രം. സംഭവത്തിൽ വിശദമായ തെളിവെടുപ്പ് നടന്നുവരികയാണ്.
Comments
Post a Comment