കൂരാച്ചുണ്ട് രമേശ് ബേക്കറി ഉടമ ബഷീർ നിര്യാതനായി
കൂരാച്ചുണ്ട്: കൂരാച്ചുണ്ട് ടൗണിലെ പ്രമുഖ വ്യാപാരിയും രമേശ് ബേക്കറി ഉടമയുമായ ബഷീർ ഹൃദയാഘാതത്തെ തുടർന്ന് മൊടകല്ലൂർ ആശുപത്രിയിൽ വെച്ച് നിര്യാതനായി. നന്മണ്ട സ്വദേശിയായ അദ്ദേഹം കൂരാച്ചുണ്ട് ടൗണിൽ എപ്പോഴും സജീവമായി വ്യാപാരരംഗത്തുണ്ടായിരുന്നതിനാൽ നാട്ടുകാർക്കും വ്യാപാരികൾക്കും ഒരുപോലെ സുപരിചിതനായ വ്യക്തിത്വമായിരുന്നു
പ്രായഭേദമന്യേ എല്ലാവരോടും വളരെ സൗമ്യമായും സ്നേഹത്തോടെയും പെരുമാറുന്ന സ്വഭാവഗുണത്തിന് ഉടമയായിരുന്നു ബഷീർ. അദ്ദേഹത്തിന്റെ അപ്രതീക്ഷിത വിയോഗ വാർത്ത കൂരാച്ചുണ്ട് ടൗണിലെ വ്യാപാരികൾക്കിടയിലും പ്രദേശവാസികൾക്കിടയിലും വലിയ സങ്കടമാണുണ്ടാക്കിയിരിക്കുന്നത്.
അദ്ദേഹത്തിന്റെ നിര്യാണത്തിൽ അനുശോചിച്ചും പരേതനോടുള്ള ആദരസൂചകമായും ഇന്ന് രാവിലെ 10 മണി മുതൽ 11 മണി വരെ കൂരാച്ചുണ്ടിൽ ഹർത്താൽ ആചരിക്കും. ഹർത്താൽ സമയത്ത് ടൗണിലെ വ്യാപാരസ്ഥാപനങ്ങൾ അടച്ചിടുമെന്ന് ബന്ധപ്പെട്ടവർ അറിയിച്ചു.
സംസ്കാര ചടങ്ങുകൾ:
- മയ്യത്ത് നിസ്കാരം: ഇന്ന് (04/06/2026, വ്യാഴം) രാവിലെ 10.30 ന്
- സ്ഥലം: കാരക്കുന്നത്ത് മസ്ജിദുൽ മുജാഹിദീൻ
Comments
Post a Comment