സ്വപ്നങ്ങൾക്ക് ചിറകേകി ബോചെ; മുപ്പതോളം ഭിന്നശേഷി കുട്ടികളുടെ 'ആകാശയാത്ര' യാഥാർത്ഥ്യമായി

 

തൃശൂർ: ആഘോഷങ്ങൾ ആർഭാടങ്ങൾക്കും ആഘോഷങ്ങൾക്കും അപ്പുറം കരുണയുടെയും സ്നേഹത്തിന്റെയും കൂടി ഇടമാണെന്ന് തെളിയിക്കുകയാണ് ബോബി ചെമ്മണ്ണൂർ. തന്റെ പിറന്നാൾ ദിനത്തിൽ ഭിന്നശേഷിക്കാരായ ഒരു കൂട്ടം കുട്ടികളുടെ സ്വപ്നങ്ങൾക്ക് ചിറകേകിക്കൊണ്ടാണ് അദ്ദേഹം വ്യത്യസ്തനായത്.

​തൃശൂർ കൊപ്പത്തെ സ്പെഷ്യൽ സ്കൂളിലെ മുപ്പതോളം കുട്ടികൾക്കാണ് ബോബി ചെമ്മണ്ണൂർ വിമാനയാത്രയെന്ന തങ്ങളുടെ വലിയ സ്വപ്നം യാഥാർത്ഥ്യമാക്കിക്കൊടുത്തത്. ജീവിതത്തിൽ ഒരിക്കലും വിമാനത്തിൽ കയറാൻ കഴിയില്ലെന്ന് കരുതിയ ഈ കുട്ടികൾക്ക് അവിസ്മരണീയമായ അനുഭവമാണ് അദ്ദേഹം സമ്മാനിച്ചത്.

​വിമാനയാത്രയിൽ ഒതുങ്ങുന്നതല്ല ബോചെയുടെ കരുതൽ. വിമാനയാത്രയ്ക്ക് പുറമേ, പഞ്ചനക്ഷത്ര ഹോട്ടലിൽ ഭക്ഷണം, ബീച്ച് സന്ദർശനം, നിയമസഭ കാണൽ തുടങ്ങി കുട്ടികളുടെ കൊച്ചു കൊച്ചു ആഗ്രഹങ്ങളെല്ലാം നിറവേറ്റുമെന്ന് അദ്ദേഹം അറിയിച്ചു.

​പിറന്നാൾ ദിനത്തിൽ വിമാനത്തിൽ വെച്ച് കുട്ടികൾക്കൊപ്പം കേക്ക് മുറിച്ചും ഭക്ഷണം കഴിച്ചും അദ്ദേഹം സമയം ചെലവഴിച്ചു. ആ കുട്ടികളുടെ മുഖത്ത് വിരിഞ്ഞ ചിരിയാണ് തനിക്ക് ലഭിച്ച ഏറ്റവും വലിയ പിറന്നാൾ സമ്മാനമെന്ന് അദ്ദേഹം പറഞ്ഞു.

​“ഇവർക്കൊപ്പം ആഘോഷിക്കുന്ന ഓരോ നിമിഷവും സന്തോഷം നിറഞ്ഞതാണ്. എനിക്ക് ഊർജവും സന്തോഷവും നൽകുന്ന ഏറ്റവും വലിയ കാര്യമാണിത്. ഇതുവരെ ആഘോഷിച്ചതിൽ ഏറ്റവും മികച്ച പിറന്നാൾ ആയാണിത്. അവരുടെ സന്തോഷം കാണുമ്പോൾ എനിക്കും അത് വലിയ ഊർജ്ജമാണ് നൽകുന്നത്,” ബോബി ചെമ്മണ്ണൂർ വ്യക്തമാക്കി.

​ജീവിതത്തിൽ പ്രയാസങ്ങൾ അനുഭവിക്കുന്നവർക്ക് കൈത്താങ്ങായി മാറുന്ന ബോചെയുടെ ഈ മാതൃക ഇപ്പോൾ സോഷ്യൽ മീഡിയയിലും നാട്ടിലും വലിയ ചർച്ചയാവുകയാണ്. ആഘോഷങ്ങളെ സേവനമാക്കി മാറ്റിയ അദ്ദേഹത്തിന്റെ മനസ്സിനെ പ്രശംസിക്കുകയാണ് ഏവരും.