പെട്രോൾ, ഡീസൽ, പാചകവാതക വിലവർദ്ധനവ്: നാളെ പേരാമ്പ്ര പോസ്റ്റ് ഓഫീസിലേക്ക് സി.ഐ.ടി.യു മാർച്ചും ധർണ്ണയും
പേരാമ്പ്ര: ഇന്ധന-പാചകവാതക വില അടിക്കടി വർദ്ധിപ്പിക്കുന്ന കേന്ദ്ര സർക്കാർ നയങ്ങൾക്കെതിരെ പ്രതിഷേധം ശക്തമാക്കുന്നു. പെട്രോൾ, ഡീസൽ, ഗാർഹിക പാചകവാതക വിലവർദ്ധനവിനെതിരെ സി.ഐ.ടി.യു പേരാമ്പ്ര ഏരിയ കമ്മറ്റിയുടെ നേതൃത്വത്തിൽ നാളെ (ജൂൺ 8, തിങ്കൾ) പേരാമ്പ്ര പോസ്റ്റ് ഓഫീസിലേക്ക് മാർച്ചും ധർണ്ണയും സംഘടിപ്പിക്കും.
കേന്ദ്ര സർക്കാരിന്റെ ജനദ്രോഹ നയങ്ങൾ സാധാരണക്കാരുടെ ജീവിതം ദുസ്സഹമാക്കുന്നുവെന്ന് ചൂണ്ടിക്കാണിച്ചാണ് സി.ഐ.ടി.യു ശക്തമായ സമരപരിപാടികളിലേക്ക് കടക്കുന്നത്. അന്താരാഷ്ട്ര വിപണിയിൽ വില കുറയുമ്പോഴും രാജ്യത്ത് ഇന്ധനവില കൂട്ടി കോർപ്പറേറ്റുകളെ സഹായിക്കുന്ന നിലപാടാണ് കേന്ദ്രം സ്വീകരിക്കുന്നതെന്ന് സി.ഐ.ടി.യു നേതാക്കൾ ആരോപിച്ചു.
നാളെ രാവിലെ പേരാമ്പ്ര ടൗണിൽ നിന്നും ആരംഭിക്കുന്ന പ്രതിഷേധ മാർച്ച് പോസ്റ്റ് ഓഫീസിന് മുന്നിൽ സമാപിക്കും. തുടന്നു നടക്കുന്ന ധർണ്ണ സി.പി.ഐ.എം ജില്ലാ സെക്രട്ടറിയറ്റേറ്റ് മെമ്പർ എസ്.കെ. സജീഷ് ഉൽഘാടനം ചെയ്യും.
മേഖലയിലെ പ്രമുഖ സി.ഐ.ടി.യു, സി.പി.ഐ.എം നേതാക്കൾ പ്രതിഷേധത്തിൽ പങ്കെടുത്തു സംസാരിക്കും. കേന്ദ്ര നയങ്ങൾക്കെതിരെയുള്ള ഈ ജനകീയ പ്രക്ഷോഭത്തിൽ മുഴുവൻ തൊഴിലാളികളും പൊതുജനങ്ങളും പങ്കാളികളാകണമെന്ന് സി.ഐ.ടി.യു പേരാമ്പ്ര ഏരിയ കമ്മറ്റി അഭ്യർത്ഥിച്ചു
Comments
Post a Comment