അടഞ്ഞുകിടന്ന തട്ടുകടയിൽ അനാഥമായി ഒരു കുഞ്ഞ്;
മരട്: ഫോറം മാളിന് സമീപം അടഞ്ഞുകിടന്ന തട്ടുകടയിൽ നവജാത ശിശുവിനെ ഉപേക്ഷിച്ച നിലയിൽ കണ്ടെത്തി. ജനിച്ച് അധികദിവസമാകാത്ത കുഞ്ഞിനെയാണ് പ്ലാസ്റ്റിക് ഷീറ്റിൽ പൊതിഞ്ഞ് കടയുടെ ഡെസ്കിൽ ഉപേക്ഷിച്ച നിലയിൽ കണ്ടെത്തിയത്.
സംഭവം ശ്രദ്ധയിൽപ്പെട്ട ഉടൻ തന്നെ നാട്ടുകാർ വിവരം പോലീസിൽ അറിയിക്കുകയായിരുന്നു. വിവരമറിഞ്ഞ് മരട് പോലീസ് സ്ഥലത്തെത്തി. പോലീസ് സംഘം ഉടൻ തന്നെ കുഞ്ഞിനെ സമീപത്തെ ആശുപത്രിയിൽ എത്തിച്ച് ആവശ്യമായ ചികിത്സയും സംരക്ഷണവും ഉറപ്പാക്കി.
മരട് പോലീസ് സ്റ്റേഷനിലെ വനിതാ ഉദ്യോഗസ്ഥരും വനിതാ സെല്ലിൽ നിന്നുള്ള ഉദ്യോഗസ്ഥരും സംഭവസ്ഥലത്തെത്തി പ്രാഥമിക നടപടികൾ സ്വീകരിച്ചു. പിഞ്ചുകുഞ്ഞിനെ ഉപേക്ഷിച്ച ക്രൂരതയ്ക്ക് പിന്നിൽ ആരാണെന്ന് കണ്ടെത്താനായി പോലീസ് അന്വേഷണം ആരംഭിച്ചിട്ടുണ്ട്. സമീപത്തെ സിസിടിവി ദൃശ്യങ്ങൾ ഉൾപ്പെടെ പരിശോധിച്ചുവരികയാണെന്ന് അധികൃതർ അറിയിച്ചു.
Comments
Post a Comment