മലയോര ജനതയ്ക്ക് ആശ്വാസം; ചക്കിട്ടപാറയുടെ ആവശ്യങ്ങളിൽ അടിയന്തര നടപടിയെന്ന് മന്ത്രി; ചക്കിട്ടപാറ പഞ്ചായത്ത് പ്രസിഡന്റ് ആരോഗ്യ മന്ത്രിയുമായി കൂടിക്കാഴ്ച നടത്തി
ചക്കിട്ടപാറ: മലയോര മേഖലയായ ചക്കിട്ടപാറ ഗ്രാമപഞ്ചായത്തിലെ ആരോഗ്യ മേഖലയുടെ സമഗ്ര പുരോഗതിയും വികസന ആവശ്യങ്ങളും മുൻനിർത്തി. ചക്കിട്ടപാറ പഞ്ചായത്ത് ഭരണസമിതിയുടെ സജീവ ഇടപെടൽ. കേരളത്തിന്റെ ആരോഗ്യരംഗത്തിന് പുതിയൊരു ഉണർവ് നൽകിക്കൊണ്ട് ബഹുമാനപ്പെട്ട ആരോഗ്യ-ദേവസ്വം വകുപ്പ് മന്ത്രി . കെ. മുരളീധരന്റെ നേതൃത്വത്തിൽ കോഴിക്കോട് മീനൂസ് ഓഡിറ്റോറിയത്തിൽ വെച്ച് നടന്ന 'കായകല്പം' സംസ്ഥാനതല ജനസമ്പർക്ക പരിപാടിയിലാണ് ചക്കിട്ടപാറ ഗ്രാമപഞ്ചായത്ത് പ്രസിഡന്റ് മോളി തോമസ് പങ്കെടുത്തത്. ചടങ്ങിൽ വെച്ച് പഞ്ചായത്തിലെ ആരോഗ്യ മേഖലയുടെ ആവശ്യങ്ങൾ അടങ്ങിയ വിശദമായ നിവേദനം അവർ ബഹുമാനപ്പെട്ട മന്ത്രിക്ക് നേരിട്ട് കൈമാറി.
മലയോര മേഖലയിലെ ജനങ്ങൾക്ക് കൂടുതൽ മെച്ചപ്പെട്ടതും ആധുനികവുമായ ആരോഗ്യ സൗകര്യങ്ങൾ ലഭ്യമാക്കുക, പ്രാദേശിക ആരോഗ്യ കേന്ദ്രങ്ങളുടെ (PHC/FHC) അടിസ്ഥാന സൗകര്യങ്ങൾ വർദ്ധിപ്പിക്കുക, ആശുപത്രികളിൽ ആവശ്യമായ ജീവനക്കാരുടെ സേവനം അടിയന്തരമായി ഉറപ്പുവരുത്തുക തുടങ്ങിയ ചക്കിട്ടപ്പാറയുടെ പ്രധാന വികസന ആവശ്യങ്ങളാണ് ഈ നിവേദനത്തിലൂടെ മന്ത്രിയുടെ ശ്രദ്ധയിൽപ്പെടുത്തിയത്.
നിവേദനത്തിലെ ആവശ്യങ്ങൾ വളരെ അനുഭാവപൂർവ്വം കേട്ട ബഹുമാനപ്പെട്ട ആരോഗ്യ മന്ത്രി ശ്രീ. കെ. മുരളീധരൻ, ഉന്നയിക്കപ്പെട്ട വിഷയങ്ങളിൽ ആവശ്യമായ അടിയന്തര നടപടികൾ എത്രയും വേഗം സ്വീകരിക്കാമെന്ന് പഞ്ചായത്ത് അധികൃതർക്ക് ഉറപ്പുനൽകി.
പ്രധാന ആവശ്യങ്ങൾ ഇവയാണ്:
പെരുവണ്ണാമൂഴി കുടുംബാരോഗ്യ കേന്ദ്രത്തിന്റെ (FHC) വികസനം: കുടുംബാരോഗ്യ കേന്ദ്രമായി ഉയർന്ന പെരുവണ്ണാമൂഴി FHC-യിൽ കൂടുതൽ ഭൗതിക സാഹചര്യങ്ങൾ മെച്ചപ്പെടുത്തുകയും, ദിവസേനയെത്തുന്ന നൂറുകണക്കിന് രോഗികൾക്കായി കൂടുതൽ സേവനങ്ങൾ ഉറപ്പാക്കുകയും ചെയ്യുക.
പന്നിക്കോട്ടൂർ PHC പുരോഗതി: പന്നിക്കോട്ടൂർ പ്രാഥമിക ആരോഗ്യ കേന്ദ്രത്തിൽ ആവശ്യത്തിന് ജീവനക്കാരെയും മരുന്നുകളും ഉറപ്പാക്കി പ്രവർത്തനം കൂടുതൽ ശക്തമാക്കുക.
ആയുർവേദ മേഖലകളുടെ പുരോഗതി: പരമ്പരാഗത ചികിത്സാ രീതികളെ ആശ്രയിക്കുന്ന ജനങ്ങൾക്കായി പഞ്ചായത്തിലെ ആയുർവേദ ആശുപത്രികളുടെ അടിസ്ഥാന സൗകര്യങ്ങൾ വർദ്ധിപ്പിക്കുക.
തുടർവികസനവും ഫണ്ടും: ഈ സ്ഥാപനങ്ങളുടെ പ്രവർത്തനങ്ങൾ കൃത്യമായി മുന്നോട്ട് കൊണ്ടുപോകാനും സാധാരണക്കാർക്ക് ആവശ്യമായ മരുന്നുകളും ലബോറട്ടറി സംവിധാനങ്ങളും ഒരുക്കാനും ആവശ്യമായ സർക്കാർ ധനസഹായങ്ങൾ ലഭ്യമാക്കുക.
സംസ്ഥാന സർക്കാരിന്റെ ജനസമ്പർക്ക പരിപാടിയിലൂടെ ചക്കിട്ടപാറയുടെ ആരോഗ്യരംഗത്തെ വികസന പ്രശ്നങ്ങൾക്ക് നേരിട്ട് പരിഹാരം കാണാൻ സാധിക്കുമെന്ന വലിയ പ്രതീക്ഷയിലാണ് ഇതോടെ നാട്ടുകാരും ജനപ്രതിനിധികളും
സംസ്ഥാന സർക്കാരിന്റെ ജനസമ്പർക്ക പരിപാടിയിലൂടെ ചക്കിട്ടപാറയുടെ ആരോഗ്യരംഗത്തെ വികസന പ്രശ്നങ്ങൾക്ക് നേരിട്ട് പരിഹാരം കാണാൻ സാധിക്കുമെന്ന വലിയ പ്രതീക്ഷയിലാണ് ഇതോടെ നാട്ടുകാരും ജനപ്രതിനിധികളും
Comments
Post a Comment