തെങ്ങിൽ നിന്ന് വീണ് തെങ്ങുകയറ്റ തൊഴിലാളിക്ക് ദാരുണാന്ത്യം
പേരാമ്പ്ര: ചേനോളിയിൽ തെങ്ങിൽ നിന്ന് വീണ് തെങ്ങുകയറ്റ തൊഴിലാളി ദാരുണമായി മരിച്ചു. കൽപ്പത്തൂർ കുറുക്കയിൽ മീത്തൽ വിജയൻ (64) ആണ് മരിച്ചത്. ഇന്ന് രാവിലെ ഏഴുമണിയോടെ ചേനോളിയിലായിരുന്നു നാടിനെ നടുക്കിയ അപകടം സംഭവിച്ചത്.
ചേനോളിയിലെ ഒരു സ്വകാര്യ വ്യക്തിയുടെ പുരയിടത്തിൽ തേങ്ങ പറിക്കുന്നതിനായി തെങ്ങിൽ കയറിയതായിരുന്നു വിജയൻ. ജോലിയിൽ ഏർപ്പെട്ടിരിക്കെ അപ്രതീക്ഷിതമായി തെങ്ങിൻ മുകളിൽ നിന്ന് താഴേക്ക് പതിക്കുകയായിരുന്നു. വീഴ്ചയുടെ ആഘാതത്തിൽ ഗുരുതരമായി പരിക്കേറ്റ വിജയനെ ഉടൻ തന്നെ സമീപത്തെ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.
പരേതയായ കമലയാണ് വിജയന്റെ ഭാര്യ. സംഭവത്തിൽ പേരാമ്പ്ര പോലീസ് തുടർനടപടികൾ സ്വീകരിച്ചു. പോസ്റ്റുമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും. തുടർന്ന് സംസ്കാരം വീട്ടുവളപ്പിൽ നടക്കുമെന്ന് കുടുംബാംഗങ്ങൾ അറിയിച്ചു.
Comments
Post a Comment