കാട്ടുപന്നി ബൈക്കിലിടിച്ചു; കല്ലാനോട് സ്വദേശിക്ക് ഗുരുതര പരിക്ക്
കല്ലാനോട്: കാട്ടുപന്നി ബൈക്കിലിടിച്ച് യാത്രക്കാരന് ഗുരുതരമായി പരിക്കേറ്റു. കല്ലാനോട് പറയം കണ്ടത്തിൽ സുരേന്ദ്രനാണ് (53) പരിക്കേറ്റത്. ഇദ്ദേഹത്തെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
ഇന്ന് രാവിലെ സുരേന്ദ്രൻ വീട്ടിൽ നിന്ന് ജോലിസ്ഥലത്തേക്ക് ബൈക്കിൽ പോകുമ്പോഴായിരുന്നു സംഭവം. പടിക്കൽവയലിന് സമീപത്തുവെച്ച് പെട്ടെന്ന് റോഡിലേക്ക് ചാടിയ കാട്ടുപന്നി ബൈക്കിലേക്ക് ഇടിച്ചുകയറുകയായിരുന്നു.
ഇടിയുടെ ആഘാതത്തിൽ ബൈക്കിൽ നിന്ന് തെറിച്ചുവീണ സുരേന്ദ്രനെയും ബൈക്കിനെയും പന്നി റോഡിലൂടെ കുറച്ചുദൂരം വലിച്ചിഴച്ചു കൊണ്ടുപോയി. അപകടത്തിൽ സുരേന്ദ്രന്റെ വാരിയെല്ലുകൾക്കും കൈകാലുകൾക്കും മുഖത്തും ഗുരുതരമായി പരിക്കേറ്റിട്ടുണ്ട്. വിവരമറിഞ്ഞ ഉടൻ നാട്ടുകാരും യാത്രക്കാരും ചേർന്ന് ഇദ്ദേഹത്തെ ആശുപത്രിയിലേക്ക് മാറ്റുകയായിരുന്നു.
മേഖലയിൽ കാട്ടുപന്നികളുടെ ശല്യം രൂക്ഷമാണെന്നും, ഇതുമൂലം യാത്രക്കാർ ഭീതിയോടെയാണ് റോഡ് ഉപയോഗിക്കുന്നതെന്നും നാട്ടുകാർ ആരോപിച്ചു. അടിയന്തരമായി വനംവകുപ്പ് അധികൃതർ ഇടപെട്ട് കാട്ടുപന്നികളെ തുരത്താൻ നടപടി സ്വീകരിക്കണമെന്നും അവർ ആവശ്യപ്പെട്ടു.
Comments
Post a Comment