ജനകീയ നേതാവിന്‌ കൂരാച്ചുണ്ടിന്റെ പ്രണാമം ; കൂരാച്ചുണ്ടിൽ വികാരനിർഭരമായ യാത്രയയപ്പ്‌; സർവ്വകക്ഷി മൗനജാഥയും അനുശോചനവും നടത്തി

 

കൂരാച്ചുണ്ട്: ഒരു പ്രദേശത്തിന്റെ സാമൂഹിക-രാഷ്ട്രീയ ചരിത്രത്തിലെ സുവർണ്ണ അധ്യായത്തിന് വിരാമം. ബാലുശേരി ബ്ലോക്ക് കൂരാച്ചുണ്ട് ഡിവിഷൻ മുൻ മെംബറും കൂരാച്ചുണ്ട് മണ്ഡലം കോൺഗ്രസ് മുൻ വൈസ്  പ്രസിഡൻ്റായിരുന്ന  പ്രിയ നേതാവിനോടുള്ള ആദരസൂചകമായി കൂരാച്ചുണ്ട് ടൗണിനെ നിശ്ചലമാക്കി, ജനസാഗരത്തെ സാക്ഷിനിർത്തി കൂരാച്ചുണ്ട് മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ വൻ സർവ്വകക്ഷി മൗനജാഥയും അനുശോചന യോഗവും അരങ്ങേറി!

​  പ്രദേശത്തെ രാഷ്ട്രീയ-ഭേദമന്യേയുള്ള ജനകീയ പങ്കാളിത്തം കൊണ്ട് വികാരനിർഭരമായ രംഗങ്ങൾക്കാണ് കൂരാച്ചുണ്ട് ടൗൺ സാക്ഷ്യം വഹിച്ചത്. കൂരാച്ചുണ്ടിന്റെ വികസനക്കുതിപ്പിലും ജനകീയ പോരാട്ടങ്ങളിലും എക്കാലവും മുൻപന്തിയിലുണ്ടായിരുന്ന നേതാവിന്റെ വേർപാട് പ്രദേശത്തിന് നികത്താനാവാത്ത വലിയൊരു നഷ്ടമാണെന്ന് യോഗത്തിൽ പങ്കെടുത്തവർ ഒന്നടങ്കം ഓർമ്മിപ്പിച്ചു.

​വികാരനിർഭരമായ അനുശോചന യോഗം

​സന്ദീപ് കളപ്പുരയ്ക്കലിന്റെ സ്വാഗത പ്രസംഗത്തോടെ ആരംഭിച്ച അനുശോചന യോഗത്തിൽ ഷാജു കാരക്കട അധ്യക്ഷത വഹിച്ചു. സാമൂഹിക-രാഷ്ട്രീയ-സാംസ്കാരിക രംഗത്തെ പ്രമുഖരും വൻ ജനക്കൂട്ടവും പങ്കെടുത്ത യോഗത്തിൽ വികാരനിർഭരമായ ഓർമ്മപ്പെടുത്തലുകളുമായി നേതാക്കൾ സംസാരിച്ചു.

​അനുസ്മരണ പ്രഭാഷണം നടത്തിയ പ്രമുഖർ:

​ജോസ് വെളിയത്ത്, ഒ കെ അമ്മദ്, വി എസ് ഹമീദ്, അരുൺ ജോസ്, റസീന യൂസുഫ്,കുര്യൻ ചെംബനാനി, ജെറിൻ കുര്യാക്കോസ്, നിസാം കക്കയം, എൻ കെ കുഞ്ഞമ്മദ്, ജോസ് ചെരിയൻപുറത്ത്, സജി കൂനന്താനം, വിൽസൺ പാത്തിച്ചാലിൽ, സൂപ്പി തെരുവത്ത്, എ കെ പ്രേമൻ, സുബിൻ നെടുമല, അഗസ്റ്റ്യൻ പാലറ, പ്രബീഷ് തളിയോത്ത്, ജോൺസൺ എട്ടിയിൽ, ഒ ജെ പോൾ, ​️