ചക്കിട്ടപാറയിൽ കാലവർഷ പ്രതിരോധത്തിന് സന്നദ്ധമായി ഡി.വൈ.എഫ്.ഐ ‘യൂത്ത് ബ്രിഗേഡ്’
ചക്കിട്ടപാറ: വരാനിരിക്കുന്ന കാലാവർഷം മുന്നിൽക്കണ്ട് ദുരന്തനിവാരണ-പ്രതിരോധ പ്രവർത്തനങ്ങൾക്കായി ഡി.വൈ.എഫ്.ഐ ചക്കിട്ടപാറ മേഖലയിൽ 'യൂത്ത് ബ്രിഗേഡ്' പ്രവർത്തനങ്ങൾക്ക് തുടക്കമായി. അടിയന്തിര സാഹചര്യങ്ങളെ നേരിടാൻ സന്നദ്ധരായ യുവാക്കളെ സമാഹരിച്ചുകൊണ്ട് ടീം പുനഃസംഘടിപ്പിച്ചു.
യൂത്ത് ബ്രിഗേഡ് ടീമിന്റെ റീ-ഫോർമേഷൻ യോഗത്തിൽ സി.പി.ഐ(എം) ലോക്കൽ സെക്രട്ടറി ഇ.എം. ശ്രീജിത്ത് വളണ്ടിയർമാർക്കുള്ള നിർദ്ദേശങ്ങൾ നൽകി സംസാരിച്ചു. ഡി.വൈ.എഫ്.ഐ മേഖല സെക്രട്ടറി അർജുൻ ദേവ് യോഗത്തിൽ പങ്കെടുത്തു സംസാരിച്ചു. കാലാവർഷക്കെടുതികൾ ഉണ്ടാക്കുന്ന നാശനഷ്ടങ്ങൾ ലഘൂകരിക്കുന്നതിനും ജനങ്ങൾക്ക് ആവശ്യമായ അടിയന്തിര സഹായങ്ങൾ എത്തിക്കുന്നതിനും യൂത്ത് ബ്രിഗേഡ് സജീവമായി രംഗത്തുണ്ടാകുമെന്ന് ഭാരവാഹികൾ അറിയിച്ചു.
മേഖലയിലെ 18 യൂണിറ്റുകളിൽ നിന്നുമുള്ള സന്നദ്ധരായ കേഡർമാരെ ഉൾപ്പെടുത്തിയാണ് വിപുലമായ ടീം രൂപീകരിച്ചിരിക്കുന്നത്.
പുതിയ ഭാരവാഹികൾ:
- ക്യാപ്റ്റൻ: നിഖിൽ നരിനട
- വൈസ് ക്യാപ്റ്റന്മാർ: സുബിൻ ബാബു, അനുജിത്ത്, ദിപിഷ ദിനേശ്, നിത ഹരിലാൽ
- ട്രഷറർ: സുബിത്ത് ബാബു
പ്രകൃതിക്ഷോഭങ്ങൾ ഉൾപ്പെടെയുള്ള എത്രാവശ്യങ്ങളിലും ഉടനടി ഇടപെടാൻ സജ്ജമായ രീതിയിലാണ് യൂത്ത് ബ്രിഗേഡിന്റെ മുന്നൊരുക്കങ്ങൾ. വരും ദിവസങ്ങളിൽ മേഖലയിലെ വിവിധ കേന്ദ്രങ്ങളിൽ പ്രതിരോധ പ്രവർത്തനങ്ങളുടെ ഭാഗമായി വിപുലമായ ക്യാമ്പയിനുകൾ സംഘടിപ്പിക്കുമെന്നും ഭാരവാഹികൾ അറിയിച്ചു.
Comments
Post a Comment