എസ്.എസ്.എൽ.സി ഫലത്തിന് പിന്നാലെ നടുക്കം; പത്താം ക്ലാസ് വിദ്യാർത്ഥിനി ജീവനൊടുക്കി
കുഴൂർ: എസ്.എസ്.എൽ.സി പരീക്ഷാഫലം പുറത്തുവന്നതിന് പിന്നാലെ പത്താം ക്ലാസ് വിദ്യാർത്ഥിനിയെ വീടിനുള്ളിൽ മരിച്ച നിലയിൽ കണ്ടെത്തി. കുണ്ടൂർ ചേനപ്പാറക്കുന്നുമ്മേൽ വിനീഷിന്റെ മകൾ വിസ്മയ (16) ആണ് മരിച്ചത്. വീടിനകത്തെ മുറിയിലെ ജനൽ കമ്പിയിൽ തോർത്ത് ഉപയോഗിച്ച് തൂങ്ങിമരിച്ച നിലയിലായിരുന്നു മൃതദേഹം കണ്ടെത്തിയത്.
വിസ്മയയുടെ മാതാപിതാക്കൾ ഇരുവരും വിദേശത്താണ് ജോലി ചെയ്യുന്നത്. അമ്മ ശ്രീന ഇറ്റലിയിലും അച്ഛൻ വിനീഷ് ഗൾഫിലുമാണ് പ്രവാസികളായിട്ടുള്ളത്. മാതാപിതാക്കൾ ദൂരത്തായിരിക്കെ ഉണ്ടായ ഈ ദുരന്തം നാടിനെ ഒന്നാകെ നടുക്കിയിരിക്കുകയാണ്.
വിവരമറിഞ്ഞ് പോലീസ് ഉടൻ തന്നെ സ്ഥലത്തെത്തി മേൽനടപടികൾ സ്വീകരിച്ചു. ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി. പരീക്ഷാ ഫലവുമായി ബന്ധപ്പെട്ട മാനസിക സമ്മർദ്ദമാണോ കുട്ടിയെ ഈ കടുംകൈ ചെയ്യാൻ പ്രേരിപ്പിച്ചത് എന്ന് പോലീസ് വിശദമായി അന്വേഷിച്ചുവരികയാണ്.
Comments
Post a Comment