കാവൽക്കാരൻ നിശബ്ദമായി കുറയുമ്പോൾ: മലയോരത്ത് പത്തിവിടർത്തി പാമ്പുകൾ

 

കൂരാച്ചുണ്ട് / ചക്കിട്ടപാറ: മലയോര മേഖലകളിൽ ഭീതിയുടെ കരിനിഴൽ വീഴ്ത്തി പ്രകൃതിയുടെ കാവൽക്കാരൻ എണ്ണത്തിൽ കുറയുന്നു. കടും ചുവപ്പൻ കണ്ണുകളുമായി പറമ്പുകളിൽ കാവൽ നിന്നിരുന്ന 'ഉപ്പൻ' (ചെമ്പോത്ത്) കുറവായതിനാൽ, മലയോര ഗ്രാമങ്ങൾ വിഷപ്പാമ്പുകളുടെ എണ്ണം വർധിക്കുകയാണ് . ഇത് കേവലം ഒരു പക്ഷിയുടെ വംശനാശമല്ല, മറിച്ച് നിങ്ങളുടെ കിടപ്പറയിലേക്കുള്ള പാമ്പുകളുടെ കടന്നുകയറ്റത്തിന്റെ അപായമണിയാണ്!

​നമ്മുടെ ജീവനെടുക്കാൻ സെക്കൻഡുകൾ മതിയാകുന്ന വെള്ളിക്കെട്ടൻ  ഉൾപ്പെടെയുള്ള മാരക വിഷപ്പാമ്പുകളുടെ പേടിസ്വപ്നമായിരുന്നു ഉപ്പൻ. പാമ്പുകളെ കൊത്തിക്കീറി ഭക്ഷണമാക്കുന്ന ഈ 'നാച്ചുറൽ കില്ലർ' ഉള്ളയിടങ്ങളിൽ പാമ്പുകൾ വരാൻ ഭയപ്പെട്ടിരുന്നു.

​എന്നാൽ ഇന്ന് കൂരാച്ചുണ്ടിലെയും ചക്കിട്ടപാറയിലെയും തോട്ടങ്ങളിൽ ഉപ്പന്റെ ശബ്ദം നന്നേ കുറഞ്ഞിരിക്കുന്നു. ഈ ശൂന്യതയിലേക്ക് പതുങ്ങിയെത്തുന്നത് അത്യന്തം അപകടകാരികളായ വിഷപ്പാമ്പുകളാണ്.

​അപായസൂചന: ഒരു ഉപ്പൻ കുറഞ്ഞാൽ ഒരു പാമ്പ് കൂടും!

​പ്രകൃതിയുടെ സ്വാഭാവികമായ 'പെസ്റ്റ് കൺട്രോൾ' സംവിധാനമാണ് ഇവിടെ തകരുന്നത്. വിദഗ്ധരുടെ മുന്നറിയിപ്പ് ഇതാണ്:

​" ഒരു ഉപ്പൻ കുറയുക എന്നാൽ  പറമ്പിൽ ഒരു പാമ്പ് അധികമായി എത്തുന്നു എന്നാണ് അർത്ഥം."

 ചെറിയ പാമ്പുകളെയും പാമ്പിൻകുഞ്ഞുങ്ങളെയും ഇവ ഭക്ഷണമാക്കാറുണ്ട്. വലിയ പാമ്പുകളെ സാധാരണയായി ആക്രമിക്കാറില്ലെങ്കിലും, ചെറിയ പാമ്പുകളെ പിടിച്ചു തിന്നുന്നതിൽ ഉപ്പൻ മിടുക്കനാണ്

​മുമ്പ് പറമ്പിലെ കരിയിലക്കൂട്ടങ്ങൾക്കിടയിൽ ധാരാളം ഉപ്പനെ കണ്ടിരുന്നെങ്കിൽ, ഇന്ന് അവിടെ വെള്ളിക്കെട്ടനും അണലിയും പതുങ്ങിയിരിക്കുന്നു. കാവൽക്കാരൻ നിശബ്ദനായി കുറയുമ്പോൾ മലയോരം പാമ്പുകളുടെ ഭീതിയിൽ  ആയിരിക്കുകയാണ്.

​ജാഗ്രതൈ!

ഗ്രാമങ്ങളിൽ ഉപ്പൻ ഉള്ളിടത്ത് പാമ്പുകൾ കുറവായിരിക്കും എന്ന് പഴമക്കാർ പറയാറുണ്ട്. 

​ഉപ്പന്റെ കുറവ് കേവലം പരിസ്ഥിതി പ്രശ്നമല്ല, ഓരോ മലയോര നിവാസിയുടെയും ജീവനുനേരെയുള്ള ഭീഷണിയാണ്. സന്ധ്യ മയങ്ങിയാൽ പറമ്പിലിറങ്ങുന്നവർക്കും വീടിനുള്ളിൽ കഴിയുന്നവർക്കും ഇനിമുതൽ ഓരോ ചുവടും ഭീതിയുടേതാകും. വന്യതയിൽ നിന്ന് വിഷപ്പാമ്പുകൾ ജനവാസ കേന്ദ്രങ്ങളിലേക്ക് പത്തിവിടർത്തി മുന്നേറുകയാണ്!