ശസ്ത്രക്രിയയ്ക്ക് പിന്നാലെ ആരോഗ്യനില വഷളായി; കോഴിക്കോട് യുവതി അന്തരിച്ചു
കോഴിക്കോട്: അരൂരിൽ സ്പൈനൽ കോഡിലെ (നട്ടെല്ല്) നീർവീഴ്ചയെത്തുടർന്ന് ശസ്ത്രക്രിയ നടത്തുകയും തുടർന്ന് ആരോഗ്യനില വഷളായി ചികിത്സയിൽ കഴിയുകയും ചെയ്തിരുന്ന യുവതി അന്തരിച്ചു. അരൂർ എളയടത്തെ തയ്യിൽ രാജന്റെ മകൾ അനഘരാജ് (28) ആണ് മരിച്ചത്.
നട്ടെല്ലിലെ നീർവീഴ്ചയെത്തുടർന്ന് കഴിഞ്ഞ കുറച്ചുദിവസങ്ങളായി അനഘ ചികിത്സയിലായിരുന്നു. ശസ്ത്രക്രിയയ്ക്ക് വിധേയയായെങ്കിലും പിന്നീട് ആരോഗ്യനില ഗുരുതരമാവുകയായിരുന്നു. തീവ്രപരിചരണ വിഭാഗത്തിൽ ചികിത്സ തുടരുന്നതിനിടെയാണ് അന്ത്യം സംഭവിച്ചത്.
അമ്മ: പ്രസീത.
സഹോദരി: സ്നേഹരാജ്.
സംസ്കാരം പിന്നീട് നടക്കും. യുവതിയുടെ അപ്രതീക്ഷിത വിയോഗത്തിൽ നാട് ഒന്നടങ്കം അനുശോചനം രേഖപ്പെടുത്തി.
Comments
Post a Comment