കണ്ടക്ടറുടെ കൈകളിൽ മുറുകെപ്പിടിച്ച ആ കുഞ്ഞുവിരലുകൾക്ക് നീതി; തട്ടിക്കൊണ്ടുപോയ പ്രതിക്ക് അഞ്ചു വർഷം തടവ്

 

കൊല്ലം: കൊല്ലം നഗരത്തെ ഒന്നാകെ കണ്ണീരിലാഴ്ത്തിയ കുട്ടിത്തട്ടിക്കൊണ്ടുപോകൽ കേസിൽ നിർണ്ണായക വിധി. കുഞ്ഞിനെ തട്ടിക്കൊണ്ടുപോയ തമിഴ്‌നാട് സ്വദേശിനി ദേവിയെ അഞ്ച് വർഷം തടവിനും പിഴയ്ക്കും കോടതി ശിക്ഷിച്ചു. ഒരു വർഷം മുമ്പ് നടന്ന സംഭവത്തിൽ കെ.എസ്.ആർ.ടി.സി ബസ് ജീവനക്കാരുടെ സമയോചിതമായ ഇടപെടലിലൂടെയാണ് കുഞ്ഞിനെ ജീവിതത്തിലേക്ക് തിരികെ ലഭിച്ചത്. ആ നന്മയ്ക്കുള്ള അംഗീകാരം കൂടിയായി മാറിയിരിക്കുകയാണ് ഇന്നത്തെ കോടതി വിധി.

തട്ടിക്കൊണ്ടുപോവുകയായിരുന്നു. നിമിഷങ്ങൾക്കുള്ളിൽ തിരക്കേറിയ ആൾക്കൂട്ടത്തിനിടയിലേക്ക് കുഞ്ഞും തട്ടിക്കൊണ്ടുപോയ സ്ത്രീയും അപ്രത്യക്ഷമായി. സംഭവത്തിൽ കുടുംബം വലിയ ആശങ്കയിലായിരുന്നു.

പിറ്റേന്ന് പുലർച്ചെ അടൂർ സ്റ്റാൻഡിൽ നിന്നും തൃശൂരിലേക്ക് പുറപ്പെട്ട കെ.എസ്.ആർ.ടി.സി ബസിലായിരുന്നു കുഞ്ഞിനെ കണ്ടെത്തിയത്. ടിക്കറ്റ് എടുക്കാനായി എത്തിയ കണ്ടക്ടർ അനീഷിന്റെ കൈകളിൽ ആ കുഞ്ഞ് മുറുകെപ്പിടിച്ചത് നിർണ്ണായകമായി. കുഞ്ഞിന്റെ കരച്ചിലും ഭാവവും കണ്ട് അനീഷിന് സംശയം തോന്നി. കൂടെയുണ്ടായിരുന്ന സ്ത്രീ തമിഴിൽ സംസാരിക്കുമ്പോൾ കുഞ്ഞ് മലയാളത്തിൽ പ്രതികരിക്കുന്നത് ശ്രദ്ധയിൽപ്പെട്ടതോടെ അദ്ദേഹം ഉടൻ തന്നെ ഡ്രൈവർ സഹീറിനെ വിവരമറിയിച്ചു.

​ഒട്ടും വൈകാതെ ഡ്രൈവർ സഹീർ ബസ് പന്തളം പോലീസ് സ്റ്റേഷന് മുന്നിലേക്ക് വെട്ടിത്തിരിച്ചു. യാത്രാമധ്യേയുള്ള സ്റ്റോപ്പുകളിൽ നിർത്താതെ പോലീസ് സ്റ്റേഷനിലേക്ക് കുതിച്ചെത്തിയ ബസ്, കുഞ്ഞിന്റെ പുതുജീവിതത്തിലേക്കുള്ള വാതിലായിരുന്നു തുറന്നത്. അനീഷിന്റെയും സഹീറിന്റെയും ഈ ജാഗ്രത ഇല്ലായിരുന്നെങ്കിൽ കുഞ്ഞ് എവിടെ എത്തുമായിരുന്നു എന്ന ചോദ്യം അന്ന് വലിയ ചർച്ചയായിരുന്നു.

​സംഭവം നടന്ന കൃത്യം ഒരു വർഷം തികയുന്ന വേളയിൽ നീതിപീഠം വിധി പറയുമ്പോൾ, സമൂഹത്തിൽ മനുഷ്യത്വവും ജാഗ്രതയും ഇപ്പോഴും നിലനിൽക്കുന്നു എന്ന വലിയ സന്ദേശം കൂടിയാണ് ഇത് നൽകുന്നത്.