ജീവിതം പൂത്തുലയും മുൻപേ മടക്കം; ജിയയുടെ വേർപാടിൽ കണ്ണീരണിഞ്ഞ് നാട്
കോടഞ്ചേരി: പുഞ്ചിരി മായാത്ത ഓർമ്മകൾ ബാക്കിവെച്ച് ജിയ (30) യാത്രയായി. കുപ്പായക്കോട് പള്ളിക്കുന്നേൽ സാന്റോയുടെ ഭാര്യയാണ്. വിലങ്ങാട് കരോട്ട്പാറക്കൽ കുടുംബാംഗമാണ്. മുപ്പതാം വയസ്സിൽ, ജീവിതം കൊതിച്ചു നിൽക്കുന്ന പ്രായത്തിലുണ്ടായ ഈ അപ്രതീക്ഷിത വിയോഗം കുപ്പായക്കോട് ഗ്രാമത്തെയാകെ തീരാനൊമ്പരത്തിലാഴ്ത്തി.
ഏറെ സ്നേഹത്തോടെയും പുഞ്ചിരിയോടെയും മാത്രം ഏവരെയും കണ്ടിരുന്ന ജിയയുടെ മരണം കുടുംബാംഗങ്ങൾക്കും സുഹൃത്തുക്കൾക്കും താങ്ങാവുന്നതിലും അപ്പുറമാണ്. ചെറുപ്രായത്തിലുള്ള വിയോഗം നാടിനെ നടുക്കത്തിലാഴ്ത്തിയിരിക്കുകയാണ്.
ഡോ. മാത്യൂസ് മാത്യുവിന്റെ കുറിപ്പ് ഹൃദയഭേദകം
ജിയയുടെ വേർപാടിൽ ഡോ. മാത്യൂസ് മാത്യു പങ്കുവെച്ച അനുശോചനക്കുറിപ്പ് ഇപ്പോൾ ഏവരെയും കണ്ണീരിലാഴ്ത്തുകയാണ്. 'പ്രിയപ്പെട്ട ജിയയുടെ വിയോഗം നൽകുന്ന വേദന വാക്കുകൾക്ക് അപ്പുറമാണ്. 30 വയസ്സ് എന്നത് ജീവിച്ച് തുടങ്ങുന്ന സമയമാണ്. അതിനിടയിൽ ഉണ്ടായ അപ്രതീക്ഷിത വിയോഗം താങ്ങാൻ പ്രിയ സാൻറ്റോയ്ക്കും കുടുംബാംഗങ്ങൾക്കും ദൈവം കൃപ നൽകട്ടെ' എന്ന് അദ്ദേഹം കുറിച്ചു.
വല്യമ്മച്ചിയുടെ വിയോഗ വേളയിൽ ചങ്ങനാശ്ശേരിയിൽ വെച്ച് ജിയയെ കണ്ട ഓർമ്മയും അദ്ദേഹം പങ്കുവെച്ചു. 'ഒറ്റ പ്രാവശ്യം മാത്രമേ ആ കൊച്ചിനെ കണ്ടിട്ടുള്ളൂ. എങ്കിലും നിറഞ്ഞ പുഞ്ചിരി പോലെ സൗമ്യമായിരുന്നു ആ സ്നേഹം. അവിടെ നിന്ന് യാത്ര പറഞ്ഞ് ഇറങ്ങുമ്പോൾ അത് അവസാനത്തെ കൂടിക്കാഴ്ചയാണെന്ന് ഒരിക്കലും കരുതിയില്ല. മരണം ശരീരത്തെ മാത്രമേ കൊണ്ടുപോവുകയുള്ളൂ, ജിയ ബാക്കിവെച്ച സ്നേഹവും ഓർമ്മകളും എന്നും നമുക്കൊപ്പമുണ്ടാകും. ക്രിസ്തീയ ജീവിതത്തിൽ നമുക്ക് മരണമില്ല. കർത്താവിന്റെ മടങ്ങി വരവിൽ കല്ലറ വിട്ട് ഉയർത്തെഴുന്നേൽക്കുന്നത് വരെ വിട,' എന്ന ഹൃദയസ്പർശിയായ വരികളോടെയാണ് അദ്ദേഹം ജിയയ്ക്ക് വിട നൽകിയത്.
ജിയയുടെ വിയോഗത്തിൽ നാട് ഒന്നടങ്കം ദുഃഖാചരണം നടത്തുകയും ആദരാഞ്ജലികൾ അർപ്പിക്കുകയും ചെയ്തു.
Comments
Post a Comment