ചക്കിട്ടപാറ; പന്നിക്കോട്ടൂർ പി.എച്ച്.സി പരിധിയിൽ ഡെങ്കിപ്പനി സ്ഥിരീകരിച്ചു
ചക്കിട്ടപാറ: പന്നിക്കോട്ടൂർ പ്രാഥമിക ആരോഗ്യ കേന്ദ്രത്തിന്റെ (PHC) പരിധിയിലുള്ള വിവിധ വാർഡുകളിൽ ഡെങ്കിപ്പനി കേസുകൾ റിപ്പോർട്ട് ചെയ്ത സാഹചര്യത്തിൽ പ്രദേശത്ത് ആരോഗ്യ വകുപ്പ് കടുത്ത ജാഗ്രതാ നിർദ്ദേശം പുറപ്പെടുവിച്ചു. പനി പടരുന്ന സാഹചര്യത്തിൽ പ്രതിരോധ നടപടികൾ ഊർജിതമാക്കിയതായും, ഇതിൽ പൊതുജനങ്ങളുടെ പൂർണ്ണമായ സഹകരണം അനിവാര്യമാണെന്നും പന്നിക്കോട്ടൂർ ഹെൽത്ത് ഇൻസ്പെക്ടർ അറിയിച്ചു.
മഴക്കാലത്തിന് മുന്നോടിയായി കൊതുകുകളുടെ പ്രജനനം തടയുന്നതിനാണ് ആരോഗ്യ വകുപ്പ് മുൻഗണന നൽകുന്നത്. കൊതുകുകൾ പെരുകുന്ന സാഹചര്യം ഒഴിവാക്കാൻ വീടിന്റെ പരിസരങ്ങൾ വൃത്തിയായി സൂക്ഷിക്കണമെന്ന് അധികൃതർ കർശന നിർദ്ദേശം നൽകി.
കഠിനമായ പനി, മേൽവേദന, കണ്ണിന് പിന്നിലെ വേദന, ക്ഷീണം എന്നിവ അനുഭവപ്പെട്ടാൽ ഒട്ടും വൈകാതെ ഡോക്ടറുടെ സേവനം തേടണം. മെഡിക്കൽ ഷോപ്പുകളിൽ നിന്ന് ഗുളിക വാങ്ങി കഴിക്കുന്ന സ്വയം ചികിത്സാരീതി ഒരു കാരണവശാലും പാടില്ലെന്നും ഹെൽത്ത് ഇൻസ്പെക്ടർ ഓർമ്മിപ്പിച്ചു
Comments
Post a Comment