ചക്കിട്ടപാറയിൽ കാട്ടുപന്നി ആക്രമണം; വയോധികന് ഗുരുതര പരിക്ക്
ചക്കിട്ടപാറ: മുതുകാട് ചെങ്കോട്ടക്കൊല്ലി വള്ളിത്തോട്ടത്തിൽ അസീസിന് (60) നേരെ കാട്ടുപന്നിയുടെ ആക്രമണം. ഇന്നലെ രാവിലെ ഒമ്പത് മണിയോടെ വീടിന് മുന്നിലെ റോഡിലിറങ്ങിയപ്പോഴാണ് അപ്രതീക്ഷിതമായി കാട്ടുപന്നി ആക്രമിച്ചത്.
ആക്രമണത്തിൽ തലയോട്ടിക്ക് സാരമായി പരിക്കേറ്റ അസീസിനെ ഉടൻ തന്നെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇദ്ദേഹം ചികിത്സയിൽ തുടരുകയാണ്. പ്രദേശത്ത് വന്യജീവികളുടെ ശല്യം വർധിച്ചുവരുന്നത് നാട്ടുകാരിൽ വലിയ ആശങ്കയാണ് ഉയർത്തുന്നത്.
Comments
Post a Comment