വീടിനുള്ളിൽ ഒളിച്ചിരുന്ന വില്ലൻ; പേരാമ്പ്രയിൽ യുവതിക്ക് പാമ്പ് കടിയേറ്റത് ബാത്ത്റൂമിൽ വെച്ച്
പേരാമ്പ്ര: കണ്ണിപ്പൊയിൽ റോഡ് ചിത്രാഞ്ജലിയിൽ ശിവദാസന്റെ മകൾ അഞ്ജലിക്ക് (36) പാമ്പ് കടിയേറ്റു. ഇന്നലെ രാത്രി 12.45-ഓടെയായിരുന്നു സംഭവം.
വീടിന്റെ ബാത്ത്റൂമിൽ വെച്ചാണ് യുവതിക്ക് പാമ്പ് കടിയേറ്റത്. കടിയേറ്റതിന് പിന്നാലെ വീട്ടുകാർ നടത്തിയ പരിശോധനയിൽ ബാത്ത്റൂമിനുള്ളിൽ ശംഖുവരയൻ ഇനത്തിൽപ്പെട്ട പാമ്പിനെ കണ്ടെത്തുകയും ചെയ്തു. കടിയേറ്റ പാടുകൾ ശ്രദ്ധയിൽപ്പെട്ടതിനെ തുടർന്ന് വീട്ടുകാർ ഉടൻ തന്നെ അഞ്ജലിയെ പേരാമ്പ്ര താലൂക്ക് ആശുപത്രിയിൽ എത്തിക്കുകയായിരുന്നു.
പ്രാഥമിക ചികിത്സയ്ക്ക് ശേഷം വിദഗ്ധ പരിചരണത്തിനായി അഞ്ജലിയെ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. യുവതി അപകടനില തരണം ചെയ്തതായും ആരോഗ്യനിലയിൽ ആശങ്കപ്പെടാനില്ലെന്നും കുടുംബാംഗങ്ങൾ അറിയിച്ചു.
Comments
Post a Comment