ചക്കിട്ടപാറയിലെ കാട്ടുപന്നി ആക്രമണം; പരിക്കേറ്റ അസീസിന് അടിയന്തര സഹായം: വനം വകുപ്പുമായി ചർച്ച നടത്തി കെ. സുനിൽ
ചക്കിട്ടപാറ: കാട്ടുപന്നിയുടെ ആക്രമണത്തിൽ ഗുരുതരമായി പരിക്കേറ്റ് കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിൽ കഴിയുന്ന മുതുകാട് ചെങ്കോട്ടക്കൊല്ലി വള്ളിത്തോട്ടത്തിൽ അസീസിനെ മുൻ പഞ്ചായത്ത് പ്രസിഡന്റ് കെ. സുനിൽ സന്ദർശിച്ചു.
ആശുപത്രിയിലെത്തി അസീസിന്റെ ആരോഗ്യസ്ഥിതി വിലയിരുത്തിയ അദ്ദേഹം, കുടുംബാംഗങ്ങളോട് വിവരങ്ങൾ ആരാഞ്ഞു. അസീസിന് ആവശ്യമായ തുടർ ചികിത്സാ സഹായങ്ങളും, അർഹമായ നഷ്ടപരിഹാരവും എത്രയും വേഗം ലഭ്യമാക്കണമെന്ന് ആവശ്യപ്പെട്ട് അദ്ദേഹം വനം വകുപ്പ് ഉദ്യോഗസ്ഥരുമായി നേരിട്ട് ചർച്ച നടത്തി.
പ്രദേശത്ത് വർധിച്ചുവരുന്ന വന്യജീവി ആക്രമണങ്ങൾക്കെതിരെ ഫലപ്രദമായ പ്രതിരോധ നടപടികൾ സ്വീകരിക്കണമെന്നും, അപകടത്തിൽപ്പെട്ടവർക്ക് അടിയന്തര സഹായം ഉറപ്പാക്കാൻ സർക്കാർ സംവിധാനങ്ങൾ ഉണർന്നു പ്രവർത്തിക്കണമെന്നും അദ്ദേഹം ആവശ്യപ്പെട്ടു.
Comments
Post a Comment