സഞ്ചാരികളുടെ ശ്രദ്ധയ്ക്ക്: വോട്ടെടുപ്പ് ദിനത്തിൽ കക്കയം വിനോദ സഞ്ചാര കേന്ദ്രത്തിൽ പ്രവേശനമില്ല; വോട്ടെടുപ്പ് പ്രമാണിച്ച് നിയന്ത്രണം

 

ഏപ്രിൽ 9-ന് കക്കയം ടൂറിസം സെൻ്ററിന് അവധി; നിയമസഭാ തെരഞ്ഞെടുപ്പ് പ്രമാണിച്ച് നിയന്ത്രണം

​കൂരാച്ചുണ്ട്: നിയമസഭാ തെരഞ്ഞെടുപ്പിൻ്റെ പശ്ചാത്തലത്തിൽ കക്കയം ഹൈഡൽ ടൂറിസം സെൻ്ററിന് അവധി പ്രഖ്യാപിച്ചു. വോട്ടെടുപ്പ് ദിനമായ ഏപ്രിൽ 9-ന് ടൂറിസം സെൻ്റർ തുറന്ന് പ്രവർത്തിക്കില്ലെന്ന് ഹൈഡൽ ടൂറിസം വിഭാഗം അധികൃതർ അറിയിച്ചു.

​തെരഞ്ഞെടുപ്പ് ഡ്യൂട്ടിക്കായി ജീവനക്കാരെ വിന്യസിച്ചിട്ടുള്ളതിനാലും വോട്ടെടുപ്പ് ദിവസം പൊതുജനങ്ങളുടെ സൗകര്യാർത്ഥവുമാണ് നിയന്ത്രണം ഏർപ്പെടുത്തിയിരിക്കുന്നത്. ഏപ്രിൽ 10 മുതൽ കേന്ദ്രം സാധാരണ നിലയിൽ പ്രവർത്തിച്ചു തുടങ്ങും. ദൂരസ്ഥലങ്ങളിൽ നിന്നും മറ്റും എത്തുന്ന വിനോദസഞ്ചാരികൾ ഈ അറിയിപ്പ് ശ്രദ്ധിക്കണമെന്ന് അധികൃതർ അഭ്യർത്ഥിച്ചു. സഹകരിക്കണമെന്നും കെ.എസ്.ഇ.ബി ഹൈഡൽ ടൂറിസം യൂണിറ്റ് അറിയിച്ചു.

​കക്കയം ഡാം പരിസരത്തും ടൂറിസം കേന്ദ്രത്തിലും സന്ദർശകർക്ക് വോട്ടെടുപ്പ് ദിവസം പ്രവേശനം അനുവദിക്കില്ലെന്ന് വനംവകുപ്പും വ്യക്തമാക്കിയിട്ടുണ്ട്.