അപകടം തകർത്തത് ഒരു കുടുംബത്തിന്റെ സ്വപ്നം; സന്തോഷിനെ ജീവിതത്തിലേക്ക് തിരികെ കൊണ്ടുവരാം; കാരുണ്യത്തിനായി കൈനീട്ടി ചക്കിട്ടപാറ

 

ചക്കിട്ടപാറ: കടിയങ്ങാട് ഭാഗത്തുവെച്ചുണ്ടായ വാഹനാപകടത്തിൽ ഗുരുതരമായി പരിക്കേറ്റ് കോഴിക്കോട് മിംസ് ആശുപത്രിയിൽ ചികിത്സയിൽ കഴിയുന്ന ചക്കിട്ടപാറ ഗ്രാമപഞ്ചായത്ത് പത്താം വാർഡ് നിവാസി സന്തോഷ് മാത്യു തയ്യിലിന്റെ ചികിത്സയ്ക്കായി സുമനസ്സുകളുടെ സഹായം തേടുന്നു. കടിയങ്ങാട് വെച്ചുണ്ടായ അപകടത്തിൽ അതീവ ഗുരുതരാവസ്ഥയിലാണ് അദ്ദേഹം.

​ഓട്ടോറിക്ഷാ തൊഴിലാളിയായ സന്തോഷ്, മികച്ചൊരു കായിക താരം കൂടിയാണ്. നാടിന്റെ പ്രിയപ്പെട്ട ക്രിക്കറ്റ് താരമായ സന്തോഷിന്റെ കുടുംബത്തിന് താങ്ങാൻ കഴിയുന്നതിലും അപ്പുറമാണ് ഇപ്പോൾ വന്നുവീണിരിക്കുന്ന ചികിത്സാ ചെലവ്. ഒരു സാധാരണ കുടുംബത്തിന്റെ ജീവിതസാഹചര്യങ്ങൾ കണക്കിലെടുക്കുമ്പോൾ ഈ വലിയ തുക കണ്ടെത്തുക എന്നത് അവർക്ക് അസാധ്യമാണ്.

​ഈ സാഹചര്യത്തിൽ സന്തോഷിനെ ജീവിതത്തിലേക്ക് തിരികെ കൊണ്ടുവരാൻ ചക്കിട്ടപാറ ഗ്രാമപഞ്ചായത്ത് പ്രസിഡന്റ് ശ്രീമതി മോളി തോമസിന്റെ നേതൃത്വത്തിൽ വിവിധ രാഷ്ട്രീയ പാർട്ടി പ്രതിനിധികളും നാട്ടുകാരും ഒത്തുചേർന്ന് 'സന്തോഷ് തയ്യിൽ ചികിത്സാ സഹായ സമിതി' രൂപീകരിച്ചു.

​സന്തോഷിന്റെ ജീവൻ രക്ഷിക്കാൻ സുമനസ്സുകളുടെ കാരുണ്യം മാത്രമാണ് ഇപ്പോൾ ഏക ആശ്രയം. നാട്ടുകാരും സുഹൃത്തുക്കളും ഉൾപ്പെടെ എല്ലാവരും ഈ ഉദ്യമത്തിൽ പങ്കാളികളാകണമെന്നും, സന്തോഷിനെ നമുക്ക് ഒരുമിച്ച് ജീവിതത്തിലേക്ക് തിരികെ കൊണ്ടുവരാമെന്നും സമിതി ഭാരവാഹികൾ അഭ്യർത്ഥിച്ചു