കായണ്ണയുടെ കരളുലച്ച് ആര്യന്റെ മടക്കം; ഗ്യാസ് വിതരണ വാഹനം ഇടിച്ചു കയറി; കായണ്ണയിൽ മൂന്നരവയസുകാരന് ദാരുണാന്ത്യം
കായണ്ണ: അങ്കണവാടി വിട്ട് അമ്മയ്ക്കൊപ്പം വീട്ടിലേക്ക് മടങ്ങുകയായിരുന്ന മൂന്നര വയസ്സുകാരൻ പിക്കപ്പ് വാനിടിച്ച് മരിച്ചു. കായണ്ണ കാപ്പുമ്മൽ ബബിലേഷിന്റെയും ദീഷ്ണയുടെയും ഏക മകൻ ആര്യൻ ആണ് മരിച്ചത്. ഇന്ന് ഉച്ചയ്ക്ക് മൂന്ന് മണിയോടെ കൂടത്താംപൊയിൽ അങ്കണവാടിക്ക് സമീപമായിരുന്നു നാടിനെ നടുക്കിയ അപകടം.
റിവേഴ്സ് എടുത്ത വാഹനം കുഞ്ഞിന്റെ ദേഹത്ത് കയറി ഇറങ്ങി
അങ്കണവാടിയിലെ പഠനം കഴിഞ്ഞ് അമ്മ ദീഷ്ണയ്ക്കൊപ്പം നടന്നു പോകുകയായിരുന്നു ആര്യൻ. ഈ സമയം ദൂരെ നിന്നും റിവേഴ്സ് എടുത്തു വന്ന പിക്കപ്പ് വാൻ ആര്യന്റെ ദേഹത്ത് കയറി ഇറങ്ങുകയായിരുന്നു. പേരാമ്പ്ര ധീര ഗ്യാസ് ഏജൻസിക്ക് വേണ്ടി ഗ്യാസ് വിതരണം നടത്തുന്ന വാഹനമാണ് അപകടമുണ്ടാക്കിയത്.
അപകടം നടന്ന ഉടനെ ഓടിക്കൂടിയ നാട്ടുകാർ കുഞ്ഞിനെ ആശുപത്രിയിലെത്തിക്കാൻ ശ്രമിച്ചെങ്കിലും ജീവൻ രക്ഷിക്കാനായില്ല.
ബബിലേഷ്-ദീഷ്ണ ദമ്പതികളുടെ ഏക മകനായിരുന്നു ആര്യൻ. കുഞ്ഞിന്റെ അപ്രതീക്ഷിത വിയോഗത്തിൽ കായണ്ണ ഗ്രാമം ഒന്നടങ്കം കണ്ണീരിലായി. സംഭവത്തിൽ പോലീസ് സ്ഥലത്തെത്തി മേൽനടപടികൾ സ്വീകരിച്ചു.
Comments
Post a Comment