പേരാമ്പ്ര നിന്നും കാണാതായ വയോധികനെ മരിച്ച നിലയിൽ കണ്ടെത്തി
പേരാമ്പ്ര: നൊച്ചാട് പുത്തൻപുരക്കൽ കണ്ണനെ (65) മരിച്ച നിലയിൽ കണ്ടെത്തി. ഇന്നലെ ഉച്ച മുതൽ കാണാതായ ഇദ്ദേഹത്തെ, രാത്രിയോടെ വീടിന് സമീപത്തെ പറമ്പിൽ തൂങ്ങിമരിച്ച നിലയിൽ കണ്ടെത്തുകയായിരുന്നു.
ഇന്നലെ ഉച്ചയോടെയാണ് കണ്ണനെ കാണാതായത്. ഇദ്ദേഹത്തെ കാണാതായതോടെ വീട്ടുകാരും നാട്ടുകാരും ബന്ധുക്കളും ചേർന്ന് പ്രദേശത്ത് വ്യാപകമായ തിരച്ചിൽ നടത്തിവരികയായിരുന്നു. ഒടുവിൽ രാത്രിയോടെ വീടിനോട് ചേർന്നുള്ള ഇദ്ദേഹത്തിന്റെ തന്നെ ഉടമസ്ഥതയിലുള്ള പറമ്പിലാണ് മൃതദേഹം കണ്ടെത്തിയത്. സ്ഥലം കാടുപിടിച്ചുകിടക്കുന്ന അവസ്ഥയിലായതിനാൽ തിരച്ചിലിനിടയിൽ ആദ്യഘട്ടത്തിൽ ആരുടെയും ശ്രദ്ധയിൽപ്പെട്ടിരുന്നില്ല.
ഭാര്യ: ദേവി. മക്കൾ: ലിനീഷ്, ലീന. മരുമകൾ: ആഷിക.
പോലീസ് നടപടികൾക്കും ഇൻക്വസ്റ്റിനും ശേഷം മൃതദേഹം പോസ്റ്റ്മോർട്ടത്തിനായി കോഴിക്കോട് മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹം വീട്ടുവളപ്പിൽ സംസ്കരിക്കും.
Comments
Post a Comment