താമരശ്ശേരി രൂപതയുടെ റൂബി ജൂബിലി മരത്തോണിൽ പാർവണയിലൂടെ കല്ലാനോട് സെന്റ് മേരീസ് അക്കാദമിക്ക് വെള്ളിത്തിളക്കം
കല്ലാനോട്: രൂപതയുടെ നാല്പതാം വാർഷികത്തോടനുബന്ധിച്ച് (റൂബി ജൂബിലി) സംഘടിപ്പിച്ച ഓൾ കേരള മിനി മരത്തോൺ ചാമ്പ്യൻഷിപ്പിൽ കല്ലാനോട് സെന്റ് മേരീസ് സ്പോർട്സ് അക്കാദമിക്ക് അഭിമാന നേട്ടം. വാശിയേറിയ പോരാട്ടം നടന്ന വനിതാ വിഭാഗം മരത്തോണിൽ അക്കാദമിയിലെ മികച്ച അത്ലറ്റായ പാർവണ എം.ആർ രണ്ടാം സ്ഥാനം നേടി. നിരവധി കായികതാരങ്ങൾ പങ്കെടുത്ത മത്സരത്തിലാണ് പാർവണ തന്റെ കരുത്തുറ്റ പ്രകടനം പുറത്തെടുത്തത്. കല്ലാനോട് സെന്റ് മേരീസ് ഹൈസ്കൂളിന് കീഴിലുള്ള സ്പോർട്സ് അക്കാദമിയിൽ നൽകി വരുന്ന മികച്ച പരിശീലനമാണ് പാർവണയെ ഈ വലിയ നേട്ടത്തിലേക്ക് നയിച്ചത്.
രൂപതാ ആസ്ഥാനത്ത് നടന്ന ചടങ്ങിൽ ജൂബിലി ആഘോഷ കമ്മിറ്റി ഭാരവാഹികളും പ്രമുഖ വ്യക്തികളും വിജയികൾക്ക് ട്രോഫികളും ക്യാഷ് അവാർഡുകളും വിതരണം ചെയ്തു. മലയോര മേഖലയിലെ കായിക വളർച്ചയ്ക്ക് കല്ലാനോട് സെന്റ് മേരീസ് സ്പോർട്സ് അക്കാദമി നൽകുന്ന സംഭാവനകൾ ശ്രദ്ധേയമാണെന്ന് സംഘാടകർ ചടങ്ങിൽ വ്യക്തമാക്കി.
പാർവണയുടെ ഈ നേട്ടത്തിൽ അക്കാദമി ഭാരവാഹികളും പരിശീലകരും നാട്ടുകാരും അഭിനന്ദനങ്ങൾ അറിയിച്ചു.
Comments
Post a Comment