മരുതോങ്കരയിൽ പുഴയിൽ വിദ്യാർത്ഥി മുങ്ങി മരിച്ചു
പശുക്കടവ്: പശുക്കടവ് പ്യക്കം തോട് പുഴയിൽ കുളിക്കാനിറങ്ങിയ 18-കാരൻ മുങ്ങിമരിച്ചു. വേളം ഹയർ സെക്കന്ററി സ്കൂൾ വിദ്യാർത്ഥിയും നടുപ്പൊയിൽ സ്വദേശിയുമായ തയ്യുള്ള പറമ്പത്ത് ഷാഹുൽ (18) ആണ് മരിച്ചത്. ശ്രീജിത്തിന്റെ മകനാണ്. ഇന്ന് വൈകുന്നേരമായിരുന്നു നാടിനെ നടുക്കിയ ദാരുണ സംഭവം.
ആറംഗ സുഹൃത്തുക്കളുടെ സംഘത്തോടൊപ്പം പുഴയിലെത്തിയതായിരുന്നു ഷാഹുൽ. കുളിക്കുന്നതിനിടെ അപ്രതീക്ഷിതമായി ഷാഹുൽ പുഴയിലെ കയത്തിൽ താഴ്ന്നു പോകുകയായിരുന്നു. കൂടെയുണ്ടായിരുന്നവർ ബഹളം വെച്ചതോടെ നാട്ടുകാർ ഓടിക്കൂടി തിരച്ചിൽ ആരംഭിച്ചു. തുടർന്ന് വിവരമറിഞ്ഞ് പേരാമ്പ്രയിൽ നിന്നും ഫയർഫോഴ്സും കുറ്റ്യാടി ജനകീയ ദുരന്ത നിവാരണ സേന പ്രവർത്തകരും സ്ഥലത്തെത്തി.
നാട്ടുകാരും രക്ഷാസേനയും ചേർന്ന് നടത്തിയ ദ്രുതഗതിയിലുള്ള തിരച്ചിലിനൊടുവിൽ കുട്ടിയെ വെള്ളത്തിൽ നിന്ന് പുറത്തെടുത്തു. ഉടൻ തന്നെ കുറ്റ്യാടി ഗവൺമെന്റ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മരണവിവരമറിഞ്ഞ് വൻ ജനക്കൂട്ടമാണ് ആശുപത്രി പരിസരത്ത് തടിച്ചുകൂടിയത്. പരേതനായ ശ്രീജിത്തിന്റെ മകനായ ഷാഹുലിന്റെ അപ്രതീക്ഷിത വേർപാട് വേളം ഹയർ സെക്കന്ററി സ്കൂളിലെ സഹപാഠികളെയും അധ്യാപകരെയും ഒരുപോലെ ദുഃഖത്തിലാഴ്ത്തി.
മൃതദേഹം ഇൻക്വസ്റ്റ് നടപടികൾക്ക് ശേഷം പോസ്റ്റ്മോർട്ടത്തിനായി മോർച്ചറിയിലേക്ക് മാറ്റി. സംസ്കാരം പിന്നീട് നടക്കും
.
Comments
Post a Comment