പൂഴിത്തോട് ഐ.സി.യു.പി സ്കൂളിൽ പരിസ്ഥിതി സൗഹൃദ ക്ലാസ് മുറി യാഥാർത്ഥ്യമായി; മലയോരത്തിന് മാതൃകയായി പുതിയ പഠനമുറി
പൂഴിത്തോട്: പ്രകൃതിയുമായി അലിഞ്ഞുചേർന്ന് അറിവ് നുകരാൻ ഇനി പൂഴിത്തോട് ഐ.സി.യു.പി സ്കൂളിലെ കുട്ടികൾക്ക് പുത്തൻ അനുഭവം. വിദ്യാലയത്തിന്റെ ഡയമണ്ട് ജൂബിലി സ്മാരകമായി നിർമ്മിച്ച അത്യാധുനിക പരിസ്ഥിതി സൗഹൃദ ക്ലാസ് മുറി (Eco-friendly Classroom) നാടിന് സമർപ്പിച്ചു. മലയോര മേഖലയിലെ വിദ്യാലയ വികസന രംഗത്ത് പുതിയൊരു ചരിത്രം കുറിച്ചുകൊണ്ടാണ് ഈ പദ്ധതി യാഥാർത്ഥ്യമായത്.
ചക്കിട്ടപാറ ഗ്രാമപഞ്ചായത്ത് പ്രസിഡന്റ് ശ്രീമതി മോളി തോമസ് ആയിത്തമറ്റത്തിൽ ക്ലാസ് മുറിയുടെ ഔദ്യോഗിക ഉദ്ഘാടനം നിർവ്വഹിച്ചു. വിദ്യാഭ്യാസത്തോടൊപ്പം തന്നെ പരിസ്ഥിതി അവബോധം കുട്ടികളിൽ വളർത്താൻ ഇത്തരം മാതൃകാപരമായ പദ്ധതികൾ ഉപകരിക്കുമെന്ന് ഉദ്ഘാടന പ്രസംഗത്തിൽ അവർ പറഞ്ഞു. വരുംതലമുറയ്ക്കുള്ള സ്കൂളിന്റെ ഡയമണ്ട് ജൂബിലി സമ്മാനമാണിതെന്നും അവർ കൂട്ടിച്ചേർത്തു.
പ്രകൃതിയോട് ഇണങ്ങി നിൽക്കുന്ന നിർമ്മാണ ശൈലി.ധാരാളം വായുസഞ്ചാരവും പ്രകാശവും ഉറപ്പുവരുത്തുന്ന രീതിയിലുള്ള ക്രമീകരണം. പഠനത്തോടൊപ്പം പ്രകൃതിയെ തൊട്ടറിയാനുള്ള അവസരം.
സ്കൂൾ അധികൃതർ, രക്ഷിതാക്കൾ, നാട്ടുകാർ എന്നിവരുടെ സാന്നിധ്യത്തിൽ നടന്ന ചടങ്ങ് വിദ്യാലയത്തിന്റെ വികസന കുതിപ്പിലെ നിർണ്ണായക നാഴികക്കല്ലായി മാറി. മലയോരത്തെ ഇതര വിദ്യാലയങ്ങൾക്കും വലിയൊരു മാതൃകയാണ് ഈ ഗ്രീൻ ക്ലാസ് റൂം. ചടങ്ങിൽ സ്കൂൾ മാനേജ്മെന്റ് പ്രതിനിധികളും ജനപ്രതിനിധികളും പങ്കെടുത്തു.
ചക്കിട്ടപാറ പഞ്ചായത്ത് പ്രസിഡൻ്റ് മോളി ആയിത്തിമറ്റത്തിൻ്റെ വാക്കുകളിലേക്ക്
" പൂഴിത്തോട് ഐ.സി.യു.പി സ്കൂളിലെ പരിസ്ഥിതി സൗഹൃദ ക്ലാസ് മുറിയുടെ ഉദ്ഘാടനം ഇന്ന് ഏറെ സന്തോഷത്തോടെ നിർവ്വഹിച്ചു. വരുംതലമുറയ്ക്ക് പ്രകൃതിയെ തൊട്ടറിഞ്ഞും സ്നേഹിച്ചും വളരാൻ അനുയോജ്യമായ ഒരു പഠനാന്തരീക്ഷം ഒരുക്കുക എന്നത് ഇന്നത്തെ കാലത്ത് ഏറെ പ്രാധാന്യമർഹിക്കുന്ന ഒന്നാണ്.ഈ കൊച്ചു കൂട്ടുകാർക്കൊപ്പം ചെലവഴിക്കാൻ കഴിഞ്ഞ നിമിഷങ്ങൾ മനസ്സിന് വലിയ സംതൃപ്തി നൽകുന്നു. അവരുടെ കുഞ്ഞു കൈകൾ ചേർത്തുപിടിച്ച്, പ്രകൃതിയുടെ പച്ചപ്പിനെ നെഞ്ചോടു ചേർത്ത് വളരാൻ നമുക്ക് ഒന്നിച്ച് മുന്നേറാം."
Comments
Post a Comment