മണ്ണറിഞ്ഞ പെരുമ; പച്ചക്കറിക്കൃഷിയിൽ വിപ്ലവം തീർത്ത ദീപ ഷാജുവിന് വാർഡിന്റെ സ്നേഹാദരം
കൂരാച്ചുണ്ട്: അന്താരാഷ്ട്ര വനിതാദിനത്തോടനുബന്ധിച്ച് കൂരാച്ചുണ്ട് പഞ്ചായത്ത് പതിനാലാം വാർഡിലെ മികച്ച പച്ചക്കറി കർഷകയായ ദീപ ഷാജു കൊച്ചുവീട്ടിലിനെ ആദരിച്ചു. വാർഡ് മെമ്പർ ബിന്ദു കുര്യൻ ആനിക്കാട്ടിന്റെ നേതൃത്വത്തിൽ സംഘടിപ്പിച്ച ചടങ്ങ് പഞ്ചായത്ത് വൈസ് പ്രസിഡന്റ് ബിജു കടലാശ്ശേരി ഉദ്ഘാടനം ചെയ്തു. ബിന്ദു കുര്യൻ അധ്യക്ഷത വഹിച്ച ചടങ്ങിൽ മുൻ പഞ്ചായത്ത് മെമ്പർ ജോയി കുര്യൻ മുട്ടുംമുഖത്ത് മുഖ്യാതിഥിയായിരുന്നു.
പഞ്ചായത്ത്, ബ്ലോക്ക്, ജില്ലാ തലങ്ങളിൽ ഇതിനോടകം നിരവധി അവാർഡുകൾ നേടിയ ദീപ, കൃഷി വെറുമൊരു വിനോദമല്ല മറിച്ച് ഒരു ഉപജീവനമാർഗ്ഗവും ആരോഗ്യകരമായ ജീവിതശൈലിയുമാണെന്ന് തെളിയിച്ചിരിക്കുകയാണെന്നും, കുടുംബത്തിന്റെ പൂർണ്ണ പിന്തുണയോടെ കൃഷിയിൽ സജീവമായ ദീപ നമ്മുടെ നാടിനും വരുംതലമുറയ്ക്കും വലിയൊരു പ്രചോദനമാണെന്നും വാർഡ് മെമ്പർ ബിന്ദു കുര്യൻ അധ്യക്ഷ പ്രസംഗത്തിൽ പറഞ്ഞു
സ്വന്തം വീട്ടുപരിസരത്ത് 15-ലേറെ ഇനം പച്ചക്കറികൾ വിജയകരമായി കൃഷി ചെയ്യുന്ന ദീപ, കൃഷിരംഗത്തെ മികവിന് ഇതിനോടകം തന്നെ പഞ്ചായത്ത്, ബ്ലോക്ക്, ജില്ലാ തലങ്ങളിൽ നിരവധി പുരസ്കാരങ്ങൾ കരസ്ഥമാക്കിയിട്ടുണ്ട്. സ്ത്രീശക്തിയുടെയും അതിജീവനത്തിന്റെയും പ്രതീകമായ ദീപയെ പോലുള്ള കർഷകർ സമൂഹത്തിന് മാതൃകയാണെന്ന് ഉദ്ഘാടന പ്രസംഗത്തിൽ ബിജു കടലാശ്ശേരി പറഞ്ഞു.
വികസനകാര്യ സ്റ്റാൻഡിങ്ങ് കമ്മിറ്റി ചെയർപേഴ്സൺ ബിന്ദുമോൾ തോമസ് കളപ്പുരക്കൽ, ക്ഷേമകാര്യ സ്റ്റാൻഡിങ്ങ് കമ്മിറ്റി ചെയർമാൻ ചെറിയാൻ ജോസഫ് അറക്കൽ, ആരോഗ്യ-വിദ്യാഭ്യാസ സ്റ്റാൻഡിങ്ങ് കമ്മിറ്റി ചെയർപേഴ്സൺ ഡാർളി അബ്രാഹം പുല്ലൻകുന്നേൽ എന്നിവർ ചടങ്ങിൽ സംസാരിച്ചു.
കൂടാതെ UDF ചെയർമാൻ ജോസ് വെളിയത്ത്, വാർഡ് കൺവീനർ തോമസ് ആനിക്കാട്ട്, സെലിൻ കൊച്ചുവീട്ടിൽ, ചന്ദ്രൻ നന്ദലത്ത് എന്നിവരും ആശംസകൾ നേർന്നു. പരിപാടിക്ക് ജോസ് കോട്ടക്കുന്നേൽ, ബിനു വെള്ളാരംകാലായിൽ, ദേവസ്യ കൊച്ചുവീട്ടിൽ, സുദർശൻ എന്നിവർ നേതൃത്വം നൽകി.
യു.കെയിൽ ജോലി ചെയ്യുന്ന വിശാൽ, വൈദിക വിദ്യാർത്ഥിയായ വിവേക് എന്നിവർ മക്കളാണ്. ഭർത്താവ് ഷാജു ദീപയുടെ കൃഷി പ്രവർത്തനങ്ങൾക്ക് പൂർണ്ണ പിന്തുണയുമായി ഒപ്പമുണ്ട്.
Comments
Post a Comment