വനിതാ ദിനാഘോഷം: ‘ഷീ സ്മൈൽസ്’ പരിപാടി നാളെ കൂരാച്ചുണ്ടിൽ
കൂരാച്ചുണ്ട്: അന്താരാഷ്ട്ര വനിതാ ദിനത്തോടനുബന്ധിച്ച് കൂരാച്ചുണ്ട് ഗ്രാമപഞ്ചായത്തും കുടുംബശ്രീ സി.ഡി.എസും സംയുക്തമായി സംഘടിപ്പിക്കുന്ന ‘ഷീ സ്മൈൽസ്’ പരിപാടി നാളെ നടക്കും. രാവിലെ 9.30-ന് കൂരാച്ചുണ്ട് പാരീഷ് ഹാളിലാണ് പരിപാടി ക്രമീകരിച്ചിരിക്കുന്നത്.
ഗ്രാമപഞ്ചായത്ത് പ്രസിഡന്റ് സിനി ജിനോ പരിപാടിയുടെ ഉദ്ഘാടനം നിർവഹിക്കും. ചടങ്ങിൽ സി.ഡി.എസ് ചെയർപേഴ്സൺ സുനിത ജോബ് അധ്യക്ഷത വഹിക്കും.
ഉദ്ഘാടന ചടങ്ങിന് ശേഷം സ്ത്രീകൾക്കായി പ്രത്യേക ബോധവൽക്കരണ ക്ലാസ്സും സംഘടിപ്പിച്ചിട്ടുണ്ട്. ‘സ്ത്രീ ശാക്തീകരണവും ആധുനിക സമൂഹത്തിൽ സ്ത്രീയുടെ പ്രാധാന്യവും’ എന്ന വിഷയത്തിൽ സ്നേഹിതാ കൗൺസിലർ മാജിത എ.കെ ക്ലാസ് നയിക്കും.
സ്ത്രീകളുടെ സാമൂഹികവും മാനസികവുമായ മുന്നേറ്റം ലക്ഷ്യമിട്ട് നടത്തുന്ന ഈ പരിപാടിയിൽ പഞ്ചായത്തിലെ വിവിധ കുടുംബശ്രീ അംഗങ്ങളും ജനപ്രതിനിധികളും പങ്കെടുക്കുമെന്ന് സംഘാടകർ അറിയിച്ചു
Comments
Post a Comment