പേരാമ്പ്ര കൂത്താളിയിൽ ലോറിയും കാറും കൂട്ടിയിടിച്ച് അപകടം.
പേരാമ്പ്ര: കൂത്താളിരണ്ടേ ആറിൽ ടോറസ് ലോറിയിലേക്ക് അമിതവേഗതയിലെത്തിയ ഇന്നോവകാർ കൂട്ടിയിടിച്ച് ആറോളം പേർക്ക് പരിക്ക്. ഇന്നുച്ചയ്ക്ക് 12 മണിയോടുകൂടിയാണ് അപകടം. കുറ്റ്യാടിയിൽ നിന്നും പേരാമ്പ്ര ഭാഗത്തേക്ക് വരികയായിരുന്ന ഇന്നോവ കാറും കുറ്റ്യാടി ഭാഗത്തേക്ക് പോവുകയായിരുന്ന ടോറസ് ലോറിയും തമ്മിലാണ് കൂട്ടിയിടിച്ചത്. ഇടിയുടെ ആഘാതത്തിൽ ഇന്നോവകാറിന്റെ മുൻവശം പാടെ തകർന്നു. കാറിൽ ഉണ്ടായിരുന്ന കണ്ണൂർ സ്വദേശികളായ ഷദിൽ (18)ഷാജൻ(21) പയ്യോളി പള്ളിക്കര സ്വദേശികളായ ഷജർ21), ഫാത്തിമ (20, )ഷാദാദ്, കാസർകോട് സ്വദേശി റാത്ത, തുടങ്ങിയവരെ പരിക്കുകളോടെ പേരാമ്പ്ര താലൂക്ക് ആശുപത്രിയിലും പിന്നീട് കോഴിക്കോട് സ്വകാര്യ ആശുപത്രിയിലേക്ക് മാറ്റി.
Comments
Post a Comment