ചക്കിട്ടപാറ; നരിനടയിൽ വൻ വാഷ് വേട്ട: 600 ലിറ്റർ വാഷ് പിടികൂടി

By -

 



 ചക്കിട്ടപാറ: സ്പെഷ്യൽ ഡ്രൈവിന്റെ ഭാഗമായി പേരാമ്പ്ര എക്സൈസ് സർക്കിൾ പാർട്ടി നരിനട ഭാഗങ്ങളിൽ നടത്തിയ വ്യാപക റെയ്ഡിൽ വൻതോതിൽ വാഷ് പിടികൂടി  ചക്കിട്ടപാറ വില്ലേജിലെ നരിനടയിൽ പെരുവണ്ണാമൂഴി ഡാം റിസർവോയറിന്റെ  ഉടമസ്ഥനില്ലാത്ത നിലയിൽ മണ്ണിനടിയിൽ സൂക്ഷിച്ച 600 ലിറ്റർ വാഷ് പിടി കൂടി.

 പെരുവണ്ണാമുഴി ഡാം റിസർവോയറിന് സമീപം നരിനട കേന്ദ്രീകരിച്ച് വ്യാജമദ്യ നിർമ്മാണം നടക്കുന്നുണ്ടെന്ന രഹസ്യവിവരത്തെത്തുടർന്ന് എക്സൈസ് സംഘം നടത്തിയ പരിശോധനയിലാണ് വാഷ് പിടികൂടിയത്. പേരാമ്പ്ര എക്സൈസ് സർക്കിൾ സംഘമാണ് പ്രദേശത്ത് വ്യാപക റെയ്‌ഡ് നടത്തിയത്.


റിസർവോയറിനോട് ചേർന്നുള്ള കാടുപിടിച്ച ഭാഗത്ത് പ്ലാസ്റ്റിക് ബാരലുകളിൽ സൂക്ഷിച്ച നിലയിലായിരുന്നു വാഷ്. തിരഞ്ഞെടുപ്പ് ദിവസങ്ങൾക്കും വിശേഷദിവസങ്ങൾക്കും മുന്നോടിയായി വിതരണത്തിനായി തയ്യാറാക്കിയതാണിതെന്ന് സംശയിക്കുന്നു. പിടികൂടിയ വാഷ് സംഘം സംഭവസ്ഥലത്തുതന്നെ നശിപ്പിച്ചു. 


പേരാമ്പ്ര എക്സൈസ് സർക്കിൾ ഓഫീസ് അസിസ്റ്റന്റ് എക്സൈസ് ഇൻസ്പെക്ടർ സി.പി. ഷാജിയുടെ നേതൃത്വത്തിലായിരുന്നു റെയ്‌ഡ്. സംഘത്തിൽ സിവിൽ എക്സൈസ് ഓഫീസർ അനൂപ് മയങ്ങയിൽ, വുമൺ സിവിൽ എക്സൈസ് ഓഫീസർ ബി.എൻ. ഷൈനി, ഡ്രൈവർ സി. ദിനേശ് എന്നിവരും പങ്കെടുത്തു.


പ്രദേശത്ത് വ്യാജമദ്യ നിർമ്മാണവും വിതരണവും തടയുന്നതിനായി വരും ദിവസങ്ങളിലും കർശന പരിശോധന തുടരുമെന്ന് എക്സൈസ് അറിയിച്ചു


Comments

Post a Comment

Popular posts from this blog

രാത്രിയിലെ അപകടം ആരുമറിഞ്ഞില്ല; കൂരാച്ചുണ്ട് കോളനി മുക്കിൽ ബൈക്ക് താഴ്ചയിലേക്ക് മറിഞ്ഞ് നരിനട സ്വദേശി മരിച്ചു

By -
Image
  കൂരാച്ചുണ്ട്: നിയന്ത്രണം വിട്ട ബൈക്ക് റോഡരികിലെ താഴ്ചയിലേക്ക് മറിഞ്ഞ് യുവാവ് മരിച്ചു. നരിനട കുഴിപറമ്പിൽ ഷിനോജിൻ്റെ മകൻ സിദ്ധാർഥ്  (24) ആണ് അപകടത്തിൽപ്പെട്ടത്.  കൂരാച്ചുണ്ട്  -  കൂട്ടാലിട റോഡിൽ കോളനിമുക്ക് ഇറക്കത്തിൽ കഴിഞ്ഞദിവസം (ശനിയാഴ്ച) രാത്രിയോടെയായിരുന്നു അപകടം സംഭവിച്ചത്. കോഴിക്കോട് വിമാനത്താവളത്തിലെ താൽക്കാലിക ജീവനക്കാരനാണ്.​കഴിഞ്ഞദിവസം രാത്രി ജോലിക്കായി കോഴിക്കോട് എയർപോർട്ടിലേക്ക് പോകുംവഴിയാണ് അപകടമുണ്ടായതെന്നാണ് പ്രാഥമിക നിഗമനം. ​ശനിയാഴ്ച രാത്രിയോടെയാണ് അപകടമുണ്ടായതെന്നാണ് പൊലീസിന്റെ പ്രാഥമിക നിഗമനം. കോളനിമുക്ക് ഇറക്കത്തിൽ വെച്ച് യുവാവ് സഞ്ചരിച്ചിരുന്ന ബൈക്ക് നിയന്ത്രണം വിട്ട് റോഡരികിലെ ആഴമേറിയ താഴ്ചയിലേക്ക് മറിയുകയായിരുന്നു. ആളൊഴിഞ്ഞതും കാടുപിടിച്ചതുമായ ഭാഗമായതിനാൽ രാത്രിയിൽ അപകടം നടന്ന വിവരം ആരുടെയും ശ്രദ്ധയിൽപ്പെട്ടിരുന്നില്ല. ഷിനോജിൻ്റെയും കൂരാച്ചുണ്ട്  മോഡേൺ ടൈലറിംഗ് ഷോപ്പ് നടത്തുന്ന  സുധയുടെയും ഏക മകനായിരുന്നു മരിച്ച  സിദ്ധാർഥ്.. ​ ഉച്ചയോടെയാണ് സംഭവം പുറംലോകമറിയുന്നത് ​ഇന്ന് വൈകിട്ട് മൂന്ന് മണിയോടെ റോഡിലൂടെ നടന്നുപോയ പെൺകുട്ടിയ...
Read more

നാടിനെ കണ്ണീരിലാഴ്ത്തി അപ്രതീക്ഷിത ദുരന്തം; കൂരാച്ചുണ്ടിൽ മാങ്ങ പറിക്കുന്നതിനിടെ ഷോക്കേറ്റ് മധ്യവയസ്കൻ മരിച്ചു

By -
Image
  കൂരാച്ചുണ്ട്: മാങ്ങ പറിക്കുന്നതിനിടെ 11 കെ വി ഇലക്ട്രിക് ലൈനിൽ നിന്ന് ഷോക്കേറ്റ് മധ്യവയസ്കൻ മരിച്ചു. കൂരാച്ചുണ്ട് വട്ടച്ചിറ സ്വദേശി പിണക്കാട്ട്  ബിജോ ജോർജ് (50) ആണ് മരിച്ചത്. ഇന്ന് (ഞായറാഴ്ച) വൈകുന്നേരം നാല് മണിയോടെയായിരുന്നു നാടിനെ നടുക്കിയ ദാരുണമായ സംഭവം നടന്നത്. ​വട്ടച്ചിറയിലുള്ള തൊട്ടടുത്ത ബന്ധുവീട്ടിലെ പറമ്പിൽ വെച്ച് തോട്ടി ഉപയോഗിച്ച് മാങ്ങ പറിക്കുന്നതിനിടയിൽ തോട്ടി അബദ്ധത്തിൽ സമീപത്തു കൂടെ കടന്നുപോകുന്ന ഇലക്ട്രിക് ലൈനിൽ തട്ടുകയായിരുന്നുവെന്നാണ് പ്രാഥമിക വിവരം. ശക്തമായ വൈദ്യുതാഘാതമേറ്റ് തെറിച്ചുവീണ ബിജോയെ ഉടൻ തന്നെ പരിസരവാസികളും ബന്ധുക്കളും ചേർന്ന് സമീപത്തെ ആശുപത്രിയിൽ എത്തിച്ചു. ​എന്നാൽ പരിക്കുകൾ ഗുരുതരമായതിനാൽ പ്രാഥമിക ചികിത്സയ്ക്ക് ശേഷം അടിയന്തരമായി പേരാമ്പ്രയിലെ ആശുപത്രിയിലേക്ക് മാറ്റിയെങ്കിലും ആശുപത്രിയിൽ എത്തുന്നതിന് മുൻപ് തന്നെ മരണം സംഭവിച്ചിരുന്നു. ​പരേതനായ പിണക്കാട്ട്ജോർജിന്റെയും അന്നമ്മയുടെയും മകനാണ്.   ഭാര്യ : സിസി  (തിരുവമ്പാടി ചാരുപ്ലാക്കൽ കുടുംബാംഗമാണ്)  മക്കൾ: ഇവാൻസ്, ഇവ്‌ലിൻ.  സഹോദരങ്ങൾ: ബിജു, ബീന (കിഴക്കുംപുറത്ത്), സിസ്റ്റർ ...
Read more

കല്ലാനോട് ബസ് ഡ്രൈവറെ മരിച്ച നിലയിൽ കണ്ടെത്തി

By -
Image
  കല്ലാനോട്: സ്വകാര്യ ബസ് ഡ്രൈവറെ റൂമിൽ മരിച്ച നിലയിൽ കണ്ടെത്തി. കൂടുതൽ വിവരങ്ങൾ അറിവായിട്ടില്ല. കൂടുതൽ വിവരങ്ങൾ വരും മണിക്കൂറുകളിൽ കൂരാച്ചുണ്ട് ന്യൂസിൽ
Read more