കാട്ടിലെ 'സ്പെഷ്യൽ വാറ്റ്' പൊങ്ങി; മുതുകാട് 400 ലിറ്റർ വാഷ് കണ്ടെടുത്തു; എക്സൈസും ഫോറസ്റ്റ് ഉദ്യോഗസ്ഥരും ചേർന്ന് തകർത്തു

പെരുവണ്ണാമൂഴി: ഇലക്ഷൻ സ്പെഷ്യൽ ഡ്രൈവിന്റെ ഭാഗമായി പേരാമ്പ്ര എക്സൈസ് സർക്കിൾ പാർട്ടിയും പെരുവണ്ണാമൂഴി ഫോറസ്റ്റ് ഉദ്യോഗസ്ഥരും സംയുക്തമായി നടത്തിയ റെയ്ഡിൽ  മുതുകാട് പയ്യാനിക്കോട്ട - ഐനിക്കാട്  ഭാഗത്ത് നിന്നും  പാറക്കൂട്ടത്തിനിടയിലുള്ള നീർച്ചാലിൽ  ബാരലുകളിലായി സൂക്ഷിച്ചുവച്ച 400 ലിറ്റർ വാഷ് കണ്ടെടുത്തു . ഇലക്ഷനും പെരുന്നാളും, ഈസ്റ്ററും പ്രമാണിച്ച് ചാരായം ഉണ്ടാക്കി വിൽപന നടത്താൻ ഉള്ള ശ്രമം ആണ് സംയുക്ത പരിശോധനയിൽ പേരാമ്പ്ര എക്സൈസും ഫോറസ്റ്റ് ഉദ്യോഗസ്ഥരും ചേർന്ന് തകർത്തത്.

പേരാമ്പ്ര എക്സൈസ് സർക്കിൾ ഓഫീസിലെ എക്സൈസ് സർക്കിൾ ഇൻസ്പെക്ടർ അശ്വിൻ കുമാറിൻ്റെ  നേതൃത്വത്തിലാണ്  റെയ്ഡ് നടത്തിയത്. പാർട്ടിയിൽ AEl (g) ജയരാജ്,സിവിൽ എക്‌സൈസ് ഓഫീസർ രൂപേഷ് വി കെ , ബീറ്റ് ഫോറസ്റ്റ് ഓഫീസർമാരായ മനു, പ്രദീപ് ബൈജു , ബിജോയ്, ദിനേശൻ, അശ്വതി എന്നിവർ പരിശോധനയിൽ പങ്കെടുത്തു.