പേരാമ്പ്രയിൽ തെരുവുനായ്ക്കളുടെ സംഹാരതാണ്ഡവം: എട്ടുപേർക്ക് കടിയേറ്റു

 

 പേരാമ്പ്ര ടൗണിലും പരിസരപ്രദേശങ്ങളിലും തെരുവുനായ്ക്കളുടെ ആക്രമണം രൂക്ഷമാകുന്നു. തിങ്കളാഴ്ച രാവിലെ മുതൽ ടൗണിന്റെ വിവിധ ഭാഗങ്ങളിലായി എട്ടുപേരെയാണ് നായ കടിച്ചുപരിക്കേൽപ്പിച്ചത്. ബസ് സ്റ്റാൻഡ് മുതൽ സിവിൽ സ്റ്റേഷൻ വരെയുള്ള ഭാഗങ്ങളിൽ വെച്ചാണ് യാത്രക്കാർക്ക് നേരെ ആക്രമണമുണ്ടായത്. പരിക്കേറ്റവരിൽ ഒരാളുടെ പരിക്ക് ഗുരുതരമായതിനാൽ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കടിയേറ്റ മറ്റ് ഏഴുപേർ കല്ലോട് താലൂക്ക് ആശുപത്രിയിൽ ചികിത്സ തേടി.

അക്രമകാരിയായ നായയെ ഇതുവരെ പിടികൂടാൻ സാധിക്കാത്ത സാഹചര്യത്തിൽ നാട്ടുകാർ അതീവ ജാഗ്രത പാലിക്കണമെന്ന് താലൂക്ക് ആശുപത്രി ആരോഗ്യവകുപ്പ് അധികൃതർ നിർദ്ദേശം നൽകി. 

പേരാമ്പ്ര ടൗൺ ജംഗ്ഷനിൽ രാത്രികാലങ്ങളിൽ നായ്ക്കൾ കൂട്ടത്തോടെ തമ്പടിക്കുന്നത് കാൽനടയാത്രക്കാർക്ക് വലിയ ഭീഷണിയാകുന്നുണ്ട്. ഓടി രക്ഷപ്പെടാൻ പ്രയാസപ്പെടുന്ന സ്ത്രീകളും കുട്ടികളുമാണ് ഏറെയും ഭയപ്പെടുന്നത്.

തെരുവുനായ ശല്യം തടയാൻ പേരാമ്പ്ര ഗ്രാമപഞ്ചായത്ത് അടിയന്തരമായി ഇടപെടണമെന്ന് പൊതുപ്രവർത്തകൻ പ്രസൂൺ കല്ലോട് ആവശ്യപ്പെട്ടു. ടൗണിലെ വിവിധ ഭാഗങ്ങളിൽ നായ്ക്കൾ കൂട്ടത്തോടെ തമ്പടിക്കുന്നത് വ്യാപാരികൾക്കും വലിയ പ്രതിസന്ധിയാണ് സൃഷ്ടിക്കുന്നത്. നേരത്തെ ആരംഭിച്ചിരുന്ന വന്ധ്യംകരണ നടപടികൾ പാതിവഴിയിൽ നിലച്ചതാണ് നായ്ക്കളുടെ എണ്ണം വർധിക്കാൻ കാരണമായതെന്ന് അദ്ദേഹം ചൂണ്ടിക്കാട്ടി. ജനങ്ങളുടെ സുരക്ഷ ഉറപ്പാക്കാൻ അധികൃതർ യുദ്ധകാലാടിസ്ഥാനത്തിൽ നടപടി സ്വീകരിക്കണമെന്നും അല്ലാത്തപക്ഷം ശക്തമായ പ്രതിഷേധവുമായി നാട്ടുകാർ രംഗത്തിറങ്ങുമെന്നും അദ്ദേഹം കൂട്ടിച്ചേർത്തു.ക

   പേരാമ്പ, കൂത്താളി , നൊച്ചാട് ഗ്രാമപഞ്ചായത്ത് കളിലായി നിരവധി പേരെ തെരുവുനായ കടിച്ചു . കൂത്താളി10എം പുലിക്കോട്ടിൽ രാജീവന്റെ വീട്ടിലെ വളർത്തു നായ യേയും തെരുവുനായ കടിച്ചിരിക്കുന്നു. പേയ് ഇളകിയ നായയാവനാണ് സാധ്യത മനസിലാകുന്നു പൊതുജനങ്ങൾ ജാഗ്രത പാലിക്കണമെന്ന് പേരാമ്പ്ര ഗ്രാമ പഞ്ചായത്ത് പ്രസിഡൻ്റും കൂത്താളി പഞ്ചായത്ത് സെക്രട്ടറിയും അറിയിച്ചു. പേപ്പട്ടിയെ ഇതുവരെ കൊല്ലാൻ കഴിഞ്ഞിട്ടില്ല - ഇന്നലെ വൈകീട്ട് മുളിയങ്ങൽ വെച്ച് 2 പേർക്കും ഇന്ന് പേരാമ്പ്ര ടൗണിൽ വെച്ച് 4 പേർക്കും കടിയേറ്റിരുന്നു.