പതിവുപോലെ രാവിലെ കോളേജിലേക്ക് പോകുന്നതിനിടെ പെട്ടെന്ന് കുഴഞ്ഞു വീഴുകയായിരുന്നു കണ്ണീരോർമ്മയായി മനഘ

 

കോയമ്പത്തൂർ: പ്രതീക്ഷകളുടെയും വലിയ സ്വപ്നങ്ങളുടെയും ചിറകിലേറിയായിരുന്നു ആ 19 വയസ്സുകാരി കോയമ്പത്തൂരിലേക്ക് ഉപരിപഠനത്തിനായി യാത്ര തിരിച്ചത്. എന്നാൽ വിധി കാത്തുവെച്ചത് മറ്റൊന്നായിരുന്നു. കോട്ടയം കൊല്ലാട് സ്വദേശിനിയായ മനഘ ജിമ്മി ഇനി ഓർമ്മ. പതിവുപോലെ കോളേജിലേക്ക് പോകാനായി ഇറങ്ങിയ മനഘ അപ്രതീക്ഷിതമായി കുഴഞ്ഞുവീഴുകയായിരുന്നു. നിമിഷങ്ങൾക്കകം പ്രിയപ്പെട്ടവരെയെല്ലാം കണ്ണീരിലാഴ്ത്തി ആ ജീവൻ മടങ്ങി.

വ്യാപാരി വ്യവസായി ഏകോപന സമിതി മൂലേടം യൂണിറ്റ് പ്രസിഡന്റ് ജിമ്മി മാത്യുവിന്റെ മകളാണ് മനഘ. ഒരു നാടിന്റെയാകെ പ്രിയപ്പെട്ടവളായിരുന്ന മനഘയുടെ അപ്രതീക്ഷിത വിയോഗം താങ്ങാനാവുന്നതിലും അപ്പുറമാണ്. പഠിച്ചു മിടുക്കിയായി വലിയ ഉയരങ്ങൾ കീഴടക്കുമെന്ന് കരുതിയ മകളുടെ ചേതനയറ്റ ശരീരം ഏറ്റുവാങ്ങേണ്ടി വരുന്ന ആ മാതാപിതാക്കളുടെ വേദന വാക്കുകൾക്ക് അതീതമാണ്.