റീൽസിലെ ആ 'ലൈക്കുകൾക്ക്' എന്റെ മകന്റെ ജീവന്റെ വിലയുണ്ടായിരുന്നോ? ഒരു അമ്മയുടെ കണ്ണീർ തോരാത്ത ചോദ്യമാണിത്

 

ഡൽഹിയിലെ ദ്വാരകയിൽ നിന്ന് കേൾക്കുന്ന ഈ വാർത്ത വെറുമൊരു അപകടവാർത്തയല്ല, മറിച്ച് നമ്മുടെ സമൂഹത്തിന്റെ ഉത്തരവാദിത്തമില്ലായ്മയുടെ ആഴം വ്യക്തമാക്കുന്ന ഒരു ദുരന്തമാണ്. വെറും പത്താം ക്ലാസുകാരൻ ഓടിച്ച എസ്‌യുവി തട്ടിയെടുത്തത് 23 വയസ്സുകാരനായ സാഹിൽ ധനേശ്ര എന്ന യുവാവിന്റെ സ്വപ്നങ്ങളാണ്.

"പത്തു മിനിറ്റോളം എന്റെ മകൻ റോഡിൽ കിടന്ന് സഹായത്തിനായി നിലവിളിച്ചു, പക്ഷേ ആരും വന്നില്ല..." സാഹിലിന്റെ അമ്മ ഇന്ന മാക്കന്റെ ഈ വാക്കുകൾ കേൾക്കുമ്പോൾ ഏത് കഠിനമനസ്കന്റെയും ഉള്ളൊന്ന് പിടയും. അപകടം നടന്ന ഉടനെ ഓടിക്കൂടിയവർ മൊബൈലിൽ ദൃശ്യങ്ങൾ പകർത്താൻ തിരക്ക് കൂട്ടിയപ്പോൾ, ചോരയിൽ കുളിച്ചു കിടന്ന ആ മകൻ മരണത്തോട് മല്ലിടുകയായിരുന്നു. സമീപത്ത് ആംബുലൻസ് സൗകര്യം ഉണ്ടായിരുന്നിട്ടും കൃത്യസമയത്ത് ആശുപത്രിയില്‍ എത്തിക്കാൻ ആരും തയ്യാറായില്ല എന്ന സത്യം ഞെട്ടിക്കുന്നതാണ്

 

സോഷ്യൽ മീഡിയയിലെ ആ ലൈക്കുകൾക്ക് എന്റെ മകന്റെ ജീവന്റെ വിലയുണ്ടായിരുന്നോ?' ഡൽഹിയിലെ ദ്വാരകയിൽ കാറിടിച്ച് മരണപ്പെട്ട 23 വയസ്സുകാരനായ സാഹിൽ ധനേശ്രയുടെ അമ്മ ഇന്ന മാക്കന്റെ ഈ ചോദ്യം ഇന്ന് ഒരു സമൂഹത്തിന്റെയാകെ മനസ്സാക്ഷിയെ പിടിച്ചുലയ്ക്കുകയാണ്. 10ാം ക്ലാസുകാരൻ ഓടിച്ച അമിതവേഗതയിലുള്ള കാര്‍ സാഹിലിന്റെ സ്വപ്നങ്ങൾ തട്ടിയെടുത്തത് വെറുമൊരു അപകടമായി കാണാൻ കഴിയില്ലെന്ന് അവർ വിതുമ്പലോടെ പറയുന്നു.