കൂരാച്ചുണ്ടിൽ തടയണ പുനഃസ്ഥാപിച്ചു; ശുദ്ധജല പ്രശ്നത്തിന് പരിഹാരമാകും.

കൂരാച്ചുണ്ട്‌: തേനമ്മാക്കൽ താഴെ തടയണ പുനസ്ഥാപിച്ചു. എല്ലാ വർഷവും ഡിസംബർ‌ ആദ്യവാരം തടയണയിൽ ജലസംഭരണം ആരംഭിക്കുന്നത് ഇത്തവണ തിരഞ്ഞെടുപ്പ് ഉൾപ്പെടെയുള്ള തിരക്കിനിടെ നടന്നില്ല. ഈ തടയണയിൽ ജലം ശേഖരിച്ചാൽ മൂന്നാംമുക്ക്, കൂരാച്ചുണ്ട് ടൗൺ, കൈതക്കൊല്ലി മേഖലകളിലെ ജലസ്രോതസ്സുകളിലും കുടിവെള്ള പദ്ധതികളിലും ജലത്തിന്റെ അളവ് കുറയാതെ നിലനിർത്താൻ സാധിക്കും. ജലനിധിയുടെ കൂരാച്ചുണ്ട് ടൗൺ ശുദ്ധജല വിതരണ പദ്ധതിയുടെ ടൗൺ കിണറ്റിൽ വെള്ളത്തിന്റെ അളവ് കുറയാതിരിക്കാനും ഇതിനാൽ സാധിക്കും. പഞ്ചായത്ത്‌ പ്രസിഡണ്ട്‌ സിനി ജിനോ തടയണ സന്ദർശ്ശിച്ച്‌ പ്രവൃത്തികൾ ഉറപ്പ്‌ വരുത്തി.