ചക്കിട്ടപാറ; പൂഴിത്തോടിനെ ഭീതിയിലാക്കി കടുവയുടെയും കുഞ്ഞുങ്ങളുടേയും സാന്നിധ്യം.

 

ചക്കിട്ടപാറ:  ജനവാസ മേഖലയായ പൂഴിത്തോട് മാവട്ടത്ത്  ഇറങ്ങിയ  കടുവയും കുഞ്ഞുങ്ങളും ജനത്തെ ഭീതിയിലാക്കി. കാട്ടിൽ നിന്ന് എത്തുന്ന കടുവകൾ ജനവാസ മേഖലകളിലും  തോട്ടത്തിലേക്കും  എസ്റ്റേറ്റികളിലേക്കും ഭക്ഷണം തേടി എത്തുന്നു .കടുവയെത്തിയത് ജനത്തെ നിസഹായതയിലാക്കിയിരിക്കുകയാണ്.

അധികൃതർ  സ്ഥലം സന്ദർശിച്ചു അടിയന്തരമായി നിരീക്ഷണ ക്യാമറയും,കൂടും സ്ഥാപിച്ച് ജനങ്ങളുടെ ഭീതി പരിഹരിക്കണമെന്ന് ആവശ്യപ്പെട്ടു.

ജനത്തെ ജാഗ്രതയിലാക്കി കടുവകളുടെ സഞ്ചാരപഥം നിരീക്ഷിച്ച് അപകടം ഒഴിവാക്കുമെന്നും  പ്രദേശത്ത് കടുവകൾ തുടർച്ചയായി എത്തുന്നത് നിയന്ത്രിക്കാൻ ശാശ്വത പരിഹാരം കണ്ടെത്തുമെന്നും  ചക്കിട്ടപാറ പഞ്ചായത്ത് അധികൃതർ അറിയിച്ചു.