തൊഴിലുറപ്പ് തൊഴിലാളികൾക്ക് കടന്നൽ കുത്തേറ്റു; എട്ടുപേർ പേരാമ്പ്ര താലൂക്ക് ആശുപത്രിയിൽ

 

പേരാമ്പ്ര: കൂത്താളി ഗ്രാമപഞ്ചായത്ത് ഒമ്പതാം വാർഡിൽ തൊഴിലുറപ്പ് ജോലി ചെയ്യുന്നതിനിടെ എട്ട് തൊഴിലാളികൾക്ക് കടന്നൽ കുത്തേറ്റു. പരിക്കേറ്റ ഇവരെ ഉടൻതന്നെ പേരാമ്പ്ര താലൂക്ക് ആശുപത്രിയിൽ പ്രവേശിപ്പിച്ചു.

ഇന്ന് ജോലി ചെയ്യുന്നതിനിടെയാണ് തൊഴിലാളികളെ കടന്നൽ കൂട്ടമായി ആക്രമിച്ചത്. വാർഡിലെ ജോലിക്കിടെ അവിചാരിതമായി കടന്നലിന്റെ കൂടിൽ നിന്നും ആക്രമണം ഉണ്ടാകുകയായിരുന്നു.

പരിക്കേറ്റവരിൽ മഞ്ജുഷ താനിക്കണ്ടി, രാധ തരിപ്പുമ്മൽ, ലക്ഷ്മി അമ്മ, പത്മിനി നെടുളിമീത്തൽ, ചന്ദ്രൻ എൻ കെ, സുലോചന എൻ കെ, പ്രീത താനിക്കണ്ടി, ഫിലോമിന എന്നിവരാണ് പേരാമ്പ്ര താലൂക്ക് ആശുപത്രിയിൽ ചികിത്സ തേടിയത്. ഇവരുടെ പരിക്ക് ഗുരുതരമല്ലെന്നും ചികിത്സ തുടരുകയാണെന്നും ആശുപത്രി അധികൃതർ അറിയിച്ചു.