ലേഡീസ് ബാരക്ക് കെട്ടിടം ഉദ്ഘാടനത്തിന് കക്കയമെത്തുന്ന വനം - വന്യ ജീവി വകുപ്പ് മന്ത്രി എ.കെ.ശശീന്ദ്രനോട്‌ ചോദ്യങ്ങളുമായി യൂത്ത് കോൺഗ്രസ്‌ കൂരാച്ചുണ്ട് മണ്ഡലം കമ്മിറ്റി..

 

വനം - വന്യ ജീവി വകുപ്പ് മന്ത്രി എ.കെ.ശശീന്ദ്രനോട്‌ ചോദ്യങ്ങളുമായി യൂത്ത് കോൺഗ്രസ്‌ കൂരാച്ചുണ്ട് മണ്ഡലം കമ്മിറ്റി..

എവിടെ സൗരവേലി..?

കക്കയം ഇക്കോ ടൂറിസം കേന്ദ്രത്തിൽ ഇനി എന്നാണ് വികസനമെത്തുക..?

ഓട്ടോറിക്ഷയിൽ കാട്ടുപന്നിയിടിച്ചത് കാരണമുണ്ടായ അപകടത്തിൽ മരണപ്പെട്ട റഷീദിന്റെ കുടുംബത്തിന് നഷ്ടപരിഹാരം നൽകാനെന്താണ് തടസം.?

വനംവകുപ്പിന്റെ അനാവശ്യ ഇടപെടൽ കാരണം സ്വന്തം ഭൂമിയിൽ അവകാശം നഷ്ടപ്പെട്ട കർഷകർക്ക് നീതി ലഭ്യമാക്കണം

 ജില്ലയിലെ പ്രധാന വിനോദസഞ്ചാര കേന്ദ്രങ്ങളായ കക്കയം - പെരുവണ്ണാമൂഴി ടൂറിസം കേന്ദ്രങ്ങളെ എളുപ്പത്തിൽ ബന്ധിപ്പിക്കുന്ന കക്കയം - മുതുകാട് റോഡ് യാഥാർഥ്യമാകാൻ 400 മീറ്ററോളം വനഭൂമി വിട്ടു കിട്ടാത്തതാണ് തടസമെന്നിരിക്കെ പരിഹാരം വേണ്ടേ..?

വനം വകുപ്പ് ഉദ്യോഗസ്ഥർക്ക് സുരക്ഷിതമായ ജോലി ചെയ്യാനുള്ള സൗകര്യത്തിന് 92 ലക്ഷം മാറ്റി വെച്ച് കെട്ടിടം നിർമ്മിച്ചാൽ മാത്രം പോര സാർ മലയോര കർഷക ജനത കാലങ്ങളായി ആവശ്യപ്പെടുന്ന സൗരവേലി നിർമ്മാണം ഉടൻ പൂർത്തിയാക്കണമെന്നും, അല്ലാത്ത പക്ഷം സമരങ്ങൾക്ക് നേതൃത്വം നൽകുമെന്ന് യൂത്ത് കോൺഗ്രസ്‌ കൂരാച്ചുണ്ട് മണ്ഡലം പ്രസിഡന്റ് നിസാം കക്കയം അറിയിച്ചു.