രണ്ട് പേരെ വെടിയേറ്റ് മരിച്ച നിലയിൽ കണ്ടെത്തി

  

പാലക്കാട്:   പാലക്കാട് കല്ലടിക്കോട് രണ്ട് പേരെ വെടിയേറ്റ് മരിച്ച നിലയിൽ കണ്ടെത്തി. മൂന്നേക്കർ മരുതുംകാട് സ്വദേശി ബിനു, നിതിൻ എന്നിവരാണ് മരിച്ചത്. ഇരുവരും അയൽവാസികളാണ്. വൈകിട്ട് മൂന്ന് മണിയോടെയാണ് സംഭവം. മൃതദേഹത്തിന് സമീപത്ത് നിന്ന് നാടൻ തോക്കും കണ്ടെടുത്തിട്ടുണ്ട് . നിതിൻ്റെ മൃതദേഹം  വീട്ടിലും  ബിനുവൻ്റെ മൃതദേഹം സമീപത്തുള്ള റോഡിലാണ്  കണ്ടത്. ഉച്ചയ്ക്ക് രണ്ട് മണിയോടെ നിതിൻ്റെ വീട്ടിലേക്ക് ബിനു എത്തുകയും ഇരുവരും തമ്മിൽ തർക്കമുണ്ടാവുകയായിരുന്നുവെന്നും അതിനിടെ സംഭവിച്ചതാണെന്നുമാണ് പ്രാഥമിക വിവരമെന്ന് പഞ്ചായത്ത് പ്രസിഡന്റ് പറഞ്ഞു. ജില്ലാ പൊലീസ് മേധാവി അജിത് കുമാർ സംഭവസ്ഥലത്ത് എത്തി. പ്രദേശവാസികളിൽ ഒരാൾ ജോലി കഴിഞ്ഞു വരുമ്പോഴാണ് ബിനുവിൻ്റെ മൃതദേഹം കാണുന്നത്.