വയറിങ് ജോലിക്കിടെ യുവ ഇലക്ട്രീഷ്യന് ഷോക്കേറ്റ് മരിച്ചു
കായക്കൊടി ∶ നിര്മാണം പുരോഗമിക്കുന്ന വീട്ടില് വയറിങ് ജോലിക്കിടെ ഷോക്കേറ്റ് യുവ ഇലക്ട്രീഷ്യന് മരിച്ചു. ഈച്ചക്കുന്ന് സ്വദേശിയായ അഖിലേഷ് (27) ആണ് ദുരന്തത്തിൽ മരിച്ചത്.
വീട്ടില് ജോലിനടത്തുന്നതിനിടെ ഉപയോഗിച്ചിരുന്ന ഡ്രില്ലിംഗ് മെഷീനില്നിന്നാണ് വൈദ്യുതാഘാതം ഉണ്ടായത്. സഹപ്രവര്ത്തകര് ഉടന് തന്നെ ഗുരുതരാവസ്ഥയിലൽ ആയ അഖിലേഷിനെ കുറ്റ്യാടി താലൂക്ക് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
ശേഷം മൃതദേഹം കോഴിക്കോട് മെഡിക്കൽ കോളേജിലേക്ക് മാറ്റി. പോസ്റ്റ്മോർട്ടം നടപടികൾ പൂര്ത്തിയാക്കിയതിന് ശേഷം നാളെ മൃതദേഹം സംസ്കാരത്തിനായി ബന്ധുക്കള്ക്ക് വിട്ടുനല്കും.
Comments
Post a Comment