കൂരാച്ചുണ്ടിൽ ഇന്ന് പെയ്ത ശക്തമായ മഴയിൽ വീടിന്റെ മതിൽ ഇടിഞ്ഞു

കൂരാച്ചുണ്ട്: അതിശക്തമായ മഴയിൽ കൂരാച്ചുണ്ട് പതിയിൽ താമസിക്കുന്ന നടുപ്പറമ്പിൽ സുബൈദയുടെ വീടിൻ്റെ മതിലിടിഞ് റോഡിലേക്ക് വീണു ഗതാഗതം മുടങ്ങി. ഹൃദയാഘാതം മൂലം മകനും ക്യാൻസർ രോഗം മൂലം മരുമകളും അകാലത്തിൽ മരണമടഞ്ഞ സുബൈദ പറക്കമുറ്റാത്ത മൂന്ന് പേരമക്കളുമായി നാട്ടുകാരുടെ കാരുണ്യത്തിൽ കഴിഞ്ഞു വരികയാണ്. കഴിഞ്ഞ മാസമാണ് സുമനസുകളുടെ സഹായത്താൽ വീടിന്റെ മതിൽ പുതുക്കിപ്പണിഞ്ഞത്. അതാണ് ഇന്നലെ മഴയെടുത്തത്. ഇനിയെന്ത് എന്ന ചോദ്യവുമായി അധികാരികളുടെയും നാട്ടുകാരുടെയും മുന്നിൽ നിറകണ്ണുകളുമായി സുബൈദയുണ്ട്. അറുപതിനായിരം രൂപയുടെ നഷ്ടം കണക്കാക്കുന്നു.